Byltyr ShQO-da balalardyń terezeden qulaýynyń 8 jaǵdaiy tirkeldi. Jazataiym oqiǵalardy boldyrmaý úshin ShQO TJD jáne Óskemen qalasy TJB qutqarýshylary arnaiy aktsiia ótkizdi, dep habarlaidy Dalanews.kz.
Kópbalaly otbasylar turatyn páterlerdiń terezelerine arnaiy qorǵanys qurylǵylary – shekteýshi trostar ornatyldy. Olardy satyp alýǵa «Za Oknami_Oskemen» firmasy kómektesken.
– Qaiǵyly oqiǵalardyń basty sebebi – balalardy qaraýsyz qaldyrý, terezelerde qorǵanys qurylǵylarynyń bolmaýy, – deidi ShQO TJD TJ aldyn alý basqarmasynyń bastyǵy Arman Naýryzbaev.
ShQO TJD psihology Svetlana Andrýsenkonyń aitýynsha, kóptegen ata-analardyń ózderi balalardy terezeden qaraýǵa, kósheni, qustardy kórsetý úshin tereze jaqtaýyna shyǵýǵa, ákesine qol bulǵaýǵa úiretedi, bul durys emes.
TJD eskertedi:
- Úide kishkentai bala bolsa, terezelerdi ashyq qaldyrmańyz.
- Jihazdy terezelerdiń janyna qoimańyz.
- Terezelerde arnaiy qorǵanys qurylǵylary bolýy kerek.
- Terezeni bala asha almaityndai etip myqtap jaýyp júrińiz.
- Balany tereze jaqtaýyna shyǵýǵa, terezeden syrtqa qaraýǵa úiretpeńiz.
- Balalarǵa eresektersiz balkonǵa shyǵýǵa ruqsat bermeńiz.
- Esińizde bolsyn, moskit tory balany qulaýdan qutqarmaidy.
- Tótenshe jaǵdai týyndasa, qutqarý qyzmetine 112, 101 telefondary boiynsha qońyraý shalyńyz.
