Ulttyq banki qate aýdarylǵan aqshaǵa qatysty alaiaqtyq oqiǵalar jiilep ketkenin eskertti, dep habarlaidy Dalanews.kz.
Kóp taraǵan shemalardyń biri - aqsha túskeni týraly jalǵan habarlama jiberý. Ondai kezde azamattar bank shotyna túsken aqsha týraly SMS habarlama alady.
Keiin olarǵa qaskóiler qońyraý shalyp, ózin aqsha aýdarǵan adam retinde tanystyrady da, "qatelesip aýdaryppyn" degen syltaýmen túsken aqshany keri qaitarýdy suraidy. Ulttyq bank málimetinshe, kóbine mundai habarlamalar jalǵan bolyp shyǵady.
"Osyndai habarlama nemese qońyraý alǵan kezde aqsha qaidan kelgenin tek banktiń resmi mobildi qosymshasynan nemese internet banking arqyly tekserip alǵan abzal. Belgisiz nómirden kelgen SMS habarlamaǵa senbeý qajet, kúdikti siltemege ótpeý kerek", - dep jazylǵan habarlamada.
Alaiaqtyq shemanyń taǵy bir túri bar. Ol kezde qaskóiler azamattyń shotyna shynymen de aqsha aýdarady. Keiin olar aqsha aýdarǵan adam bolyp qońyraý shalyp, "qatelesip aýdarǵanyn" aitady da, túsken aqshany qaitarýǵa basqa bir shot usynady.
Áńgime kezinde psihologiialyq qysym (mysaly aqsha balanyń emine kerek ekenin aitady) kórsetýi nemese quqyq qorǵaý organdaryna, sotqa shaǵymdanatynyn aityp, qorqytýy múmkin. Kóbine alaiaqtar ózin kúsh qurylymdarynyń nemese Ulttyq bank qyzmetkeri retinde tanystyryp, jeke jáne bank deregin suratady.
"Ulttyq bank qyzmetkerleri aýdio jáne videoqońyraý shalmaidy, jeke tulǵalardyń shotyna qyzmet kórsetpeidi, halyqpen aqshalai esep aiyryspaidy", - dep jazylǵan habarlamada.
