ۇلتتىق بانكٸ قاتە اۋدارىلعان اقشاعا قاتىستى الاياقتىق وقيعالار جيٸلەپ كەتكەنٸن ەسكەرتتٸ, دەپ حابارلايدى Dalanews.kz.
كٶپ تاراعان سحەمالاردىڭ بٸرٸ - اقشا تٷسكەنٸ تۋرالى جالعان حابارلاما جٸبەرۋ. ونداي كەزدە ازاماتتار بانك شوتىنا تٷسكەن اقشا تۋرالى SMS حابارلاما الادى.
كەيٸن ولارعا قاسكٶيلەر قوڭىراۋ شالىپ, ٶزٸن اقشا اۋدارعان ادام رەتٸندە تانىستىرادى دا, "قاتەلەسٸپ اۋدارىپپىن" دەگەن سىلتاۋمەن تٷسكەن اقشانى كەرٸ قايتارۋدى سۇرايدى. ۇلتتىق بانك مەلٸمەتٸنشە, كٶبٸنە مۇنداي حابارلامالار جالعان بولىپ شىعادى.
"وسىنداي حابارلاما نەمەسە قوڭىراۋ العان كەزدە اقشا قايدان كەلگەنٸن تەك بانكتٸڭ رەسمي موبيلدٸ قوسىمشاسىنان نەمەسە ينتەرنەت بانكينگ ارقىلى تەكسەرٸپ العان ابزال. بەلگٸسٸز نٶمٸردەن كەلگەن SMS حابارلاماعا سەنبەۋ قاجەت, كٷدٸكتٸ سٸلتەمەگە ٶتپەۋ كەرەك", - دەپ جازىلعان حابارلامادا.
الاياقتىق سحەمانىڭ تاعى بٸر تٷرٸ بار. ول كەزدە قاسكٶيلەر ازاماتتىڭ شوتىنا شىنىمەن دە اقشا اۋدارادى. كەيٸن ولار اقشا اۋدارعان ادام بولىپ قوڭىراۋ شالىپ, "قاتەلەسٸپ اۋدارعانىن" ايتادى دا, تٷسكەن اقشانى قايتارۋعا باسقا بٸر شوت ۇسىنادى.
ەڭگٸمە كەزٸندە پسيحولوگييالىق قىسىم (مىسالى اقشا بالانىڭ ەمٸنە كەرەك ەكەنٸن ايتادى) كٶرسەتۋٸ نەمەسە قۇقىق قورعاۋ ورگاندارىنا, سوتقا شاعىمداناتىنىن ايتىپ, قورقىتۋى مٷمكٸن. كٶبٸنە الاياقتار ٶزٸن كٷش قۇرىلىمدارىنىڭ نەمەسە ۇلتتىق بانك قىزمەتكەرٸ رەتٸندە تانىستىرىپ, جەكە جەنە بانك دەرەگٸن سۇراتادى.
"ۇلتتىق بانك قىزمەتكەرلەرٸ اۋديو جەنە ۆيدەوقوڭىراۋ شالمايدى, جەكە تۇلعالاردىڭ شوتىنا قىزمەت كٶرسەتپەيدٸ, حالىقپەن اقشالاي ەسەپ ايىرىسپايدى", - دەپ جازىلعان حابارلامادا.
