Almaty oblysynda mektep bitirý keshinde bolǵan kisi óltirý oqiǵasynan keiin mektep direktory qyzmetinen bosatyldy. Bul týraly ishki ister ministriniń orynbasary Sanjar Ádilov málimdedi, dep habarlaidy Dalanews.kz.
“Almaty oblysyndaǵy kisi óltirý faktisi boiynsha kámeletke tolmaǵan kúdikti ustalyp, eki aiǵa qamaýǵa alyndy. Qasaqana adam óltirý babymen qylmystyq is qozǵaldy. Qazirgi tańda tergeý toby jumys isteýde. Sot sanktsiiasymen kúdikti eki aiǵa qamaýǵa alyndy. Qazir belsendi tergeý áreketteri júrgizilip jatyr. Mektep direktory qyzmetinen bosatyldy, al oqý isiniń meńgerýshisi men eki synyp jetekshisine qatań tártiptik shara qoldanyldy”, – dedi Ádilov sársenbi kúni Májilis kýlýarynda.
Onyń aitýynsha, bul qylmystyń aldyn alýǵa qatysty sebepter men jaǵdailardy joiý jóninde tergeý toby tiisti usynys engizgen. Vitse-ministr barlyq mán-jai áli de anyqtalatynyn atap ótti.
Eske salaiyq, 24 mamyr kúni Almaty oblysy, Qaskeleń qalasynda mektep bitirý keshi kezinde oqýshy qaitys boldy. Oqiǵa qala syrtyndaǵy kottedjde bolǵan.
