Qarmet (burynǵy" ArselorMittal Temirtaý", AMT) ArcelorMittal aldyndaǵy boryshyna qatysty josparlanǵan tórt transhtyń birinshisi boiynsha tólem jasady. 2024 jyldyń IV-toqsanyndaǵy kompaniianyń qarjylyq qorytyndy esebinde osylai dep kórsetilgen. Mámile somasy qujatta naqtylanbaidy, biraq bul jerde Qarmet-tiń tórt jyl ishinde óteýge mindetti 450 million dollar kólemindegi uzaq merzimdi qaryzy týraly sóz bolyp otyrǵany belgili, dep jazady Dalanews.kz.
QR Ónerkásip jáne qurylys ministrliginiń deldal bolýymen ArcelorMittal-dyń qazaqstandyq aktivteriniń baqylaý paketi – Qazaqstan Investment Corporation (QIC) memlekettik damý institýtyna ótkeni týraly 2023 jylǵy 8 jeltoqsanda belgili boldy. QIC óz kezeginde kásiporyndy mashina jasaý jobalarymen tanymal, qazaqstandyq kásipker Andrei Lavrentevtiń Qazaqstan Steel Group kompaniiasyna bergen.
Qarmet-tiń qyrýar qaryzy týraly qazaqstandyq aktivti satý jónindegi mámile kezinde, iaǵni Lavrenevke jariia etildi. Mámile somasy 286 mln dollardy qurady, al Qarmet-tiń óteýi tiis burynǵy menshik iesiniń aldyndaǵy AMT jáne "ArselorMittal Aqtaýdyń" bereshegi 700 mln dollar boldy qurady, onyń ishinde 250 mln - qysqa merzimdi topishilik mindettemeler, al 450 mln – kompaniia jyl saiyn tórtke teńdei úlespen óteý týraly sheshim qabyldaǵan uzaq merzimdi qaryzy. Osylaisha, 2027 jyldyń sońyna qarai AMT úshin aqsha aýdarymdarynyń jalpy somasy 986 mln dollardy quramaq.
ArcelorMittal-dyń analitikalyq esebinde 2023 jyldyń III-toqsanynyń qorytyndysy boiynsha AMT-nyń sol kezeńdegi balanstyq quny 1,8 mlrd dollar bolǵany aitylady. Sonymen qatar, Qazaqstannan ketip bara jatyp ArcelorMittal "Qazaqstan halqyna" qoryna Qaraǵandy oblysynyń áleýmettik damýyna dep 16 mlrd teńge bóletin bolyp sóz bergen. Kompaniia 29 jeltoqsanda bul tólemdi jasady.
Buǵan deiin saitymyzda "11 aida 3 mln tonnadan astam bolat. Qarmet biyl qandai jumystar atqardy" degen material jariialanǵan bolatyn.
