Qazaqstan Baiqońyrdy damytýǵa 100 milliard teńge jumsaǵan. Májilis depýtaty Erlan Saiyrovtyń aitýynsha, endi bul investitsiialar elge naqty tabys ákelýi tiis, dep habarlaidy Dalanews.kz.
"Qazaqstan Baiqońyrdy damytýǵa óz qarajatyn quidy. Sondyqtan bolashaqta zymyran ushyrylǵan saiyn, biz jalǵa alý tóleminen bólek, naqty qarjylai úlesimizdi alyp otyrýymyz kerek. Qazir bul máseleni naqtylap, qandai soma túsetini jaily sheshimder qabyldanýda. Meniń oiymsha, bul paida aitarlyqtai bolýǵa tiis", – dedi Saiyrov.
Depýtattyń aitýynsha, Resei áli de Baiqońyrdan bas tarta almaidy, sebebi álemde dál osyndai tehnikalyq múmkindikterge ie nysan joq.
"Baiqońyr – biregei strategiialyq nysan. Sondyqtan Qazaqstannyń bul jobaǵa qatysýy endi tek formaldy emes, naqty qarjylai paidamen ólshenýi tiis", – dedi ol.
Bul bastama júzege assa, Qazaqstan ǵarysh salasyndaǵy yqpalyn arttyryp qana qoimai, biýdjetke qosymsha túsim túsirýdiń jańa kózin qalyptastyrady.
