قازاقستان بايقوڭىردى دامىتۋعا 100 ميلليارد تەڭگە جۇمساعان. مەجٸلٸس دەپۋتاتى ەرلان سايىروۆتىڭ ايتۋىنشا, ەندٸ بۇل ينۆەستيتسييالار ەلگە ناقتى تابىس ەكەلۋٸ تيٸس, دەپ حابارلايدى Dalanews.kz.
"قازاقستان بايقوڭىردى دامىتۋعا ٶز قاراجاتىن قۇيدى. سوندىقتان بولاشاقتا زىمىران ۇشىرىلعان سايىن, بٸز جالعا الۋ تٶلەمٸنەن بٶلەك, ناقتى قارجىلاي ٷلەسٸمٸزدٸ الىپ وتىرۋىمىز كەرەك. قازٸر بۇل مەسەلەنٸ ناقتىلاپ, قانداي سوما تٷسەتٸنٸ جايلى شەشٸمدەر قابىلدانۋدا. مەنٸڭ ويىمشا, بۇل پايدا ايتارلىقتاي بولۋعا تيٸس", – دەدٸ سايىروۆ.
دەپۋتاتتىڭ ايتۋىنشا, رەسەي ەلٸ دە بايقوڭىردان باس تارتا المايدى, سەبەبٸ ەلەمدە دەل وسىنداي تەحنيكالىق مٷمكٸندٸكتەرگە يە نىسان جوق.
"بايقوڭىر – بٸرەگەي ستراتەگييالىق نىسان. سوندىقتان قازاقستاننىڭ بۇل جوباعا قاتىسۋى ەندٸ تەك فورمالدى ەمەس, ناقتى قارجىلاي پايدامەن ٶلشەنۋٸ تيٸس", – دەدٸ ول.
بۇل باستاما جٷزەگە اسسا, قازاقستان عارىش سالاسىنداعى ىقپالىن ارتتىرىپ قانا قويماي, بيۋدجەتكە قوسىمشا تٷسٸم تٷسٸرۋدٸڭ جاڭا كٶزٸن قالىپتاستىرادى.
