Qarjylyq monitoring agenttigi jyl basynan beri 20 mlrd teńgege jýyq shyǵynmen qarjy piramidalaryn qurý jáne basqarý faktileri boiynsha 57 qylmystyq isti tergedi. Mundai kúmándi uiymdarǵa 21 myńnan asa azamat tartylǵan. Onyń nátijesi boiynsha 12 mlrd teńgeden astam qarajat óteldi, dep habarlaidy Dalanews.kz.
Agenttikte alaiaqtyq jobalardyń ómirlik tsiklin jáne olarǵa tartylǵan salymshylar sanyn qysqartýǵa baǵyttalǵan "Qarjy piramidalaryna qarsy is-qimyl" arnaiy jobasy engizildi.
Máselen, Almatyda HitBeatMusic qarjy piramidasyn qurý jáne basqarý faktisi boiynsha sotqa deiingi tergeý aiaqtaldy.
"Alaiaqtar ózderin kanadalyq kompaniianyń aktsioneri jáne iesi retinde tanystyryp, mýzykalyq investitsiialyq joba qyzmetine is júzinde qatysy joq kompaniianyń aktsiialaryn satýmen ainalysqan. Osylaisha, salymshylardyń qarajatyn tartyp, engizilgen somanyń 10-nan 15% - na deiin paidasyn ýáde etti. Keltirilgen zalal somasy 255 mln teńgeni quraidy", delingen 2024 jyly 17 qazanda taratylǵan QMA habarlamasynda.
Sot úkimimen atalǵan adamdar kináli dep tanylyp, 5 jyldan 6 jylǵa deiingi merzimge bas bostandyǵynan aiyryldy.
Sondai-aq agenttik IT-quraldardy paidalana otyryp, áleýmettik jelilerge taldaý jasaidy.
2024 jyly qarjy piramidalarynyń belgileri bar 10,5 myńnan asa sait siltemeleri buǵattaldy. WhatsApp, Telegram jáne Instagram-da 292 chat buǵattalǵan.
Osylaisha, 2 mln astam áleýetti salymshylardyń qarjylyq shyǵyndarynyń aldyn aldy.
"Qarjy piramidalaryna qarsy is-qimyl" arnaiy jobasy júzege asyryla bastaǵannan beri Qnet, World Business Consulting, Finiko Antares/Antares Trade, Sincere Systems Group/S-Group, Hermes LTD, Life is good, Chia Tai Tianding/Chia Tai Pharmaceutical Energy Eolus Oazqstan/Eolus siiaqty elde jumys isteitin qarjy piramidalarynyń qurylymdyq bólimsheleriniń uiymdastyrýshylary jaýapkershilikke tartyldy", delingen habarlamada.
QMA adam aqsha salǵysy keletin kompaniiany qarjy piramidasynyń belgilerine tekserýge múmkindik beretin telegram botty iske qosty.
Sonymen qatar, mundai quqyq buzýshylyqtar úshin ustalǵan barlyq jalǵan jobalardyń tizimi myna arada jariialanǵan.
