Qarjy pıramıdasyn basqarǵany úshin izdeýde júrgen tulǵa Grýzıadan ekstradısıalandy, dep habarlaıdy Dalanews.kz.
Bas prokýratýra men Qarjy monıtorıńi agenttiginiń qyzmetkerleri Qazaqstannyń Grýzıadaǵy Elshiliginiń kómegimen ekonomıkalyq qyzmet salasynda aýyr qylmys jasaǵany úshin qylmystyq jaýaptylyqqa tartý maqsatynda Qazaqstan azamatshasyn Grýzıadan ekstradısıalady.
Kúdikti Astanada «World Busines Consulting» qarjy pıramıdasynyń qurylymyn basqardy, onyń bólimsheler jelisi 2018-2022 jyldary Qazaqstannyń túrli óńirlerinde azamattarmenjoǵary paıda alýdy syltaýratyp, 6,5 mlrdteńgeden astam qarjyny zańsyz tartqan.
Atalǵan qylmystyq uıymnyń birqatar qatysýshylary naqty bas bostandyǵynan aıyrýǵa sottaldy.
Qylmys jasaǵannan keıin kúdikti jasyrynyp, oǵan halyqaralyq izdeý jarıalanǵan.
2025 jyldyń qarashasynda ol Grýzıada ustalyp, Qazaqstan Respýblıkasy Bas prokýratýrasynyń suraýy boıynsha elge ekstradısıalandy.
Qazir kúdikti ýaqytsha ustaý ızolátoryna qamaldy.
Kórsetilgen qylmysty jasaǵany úshin múlki tárkilenip, 12 jylǵa deıingi merzimge bas bostandyǵynan aıyrý jazasy qarastyrylǵan.
