قارجى پيراميداسىن باسقارعانى ءۇشىن ىزدەۋدە جۇرگەن تۇلعا گرۋزيادان ەكستراديسيالاندى، دەپ حابارلايدى Dalanews.kz.
باس پروكۋراتۋرا مەن قارجى مونيتورينگى اگەنتتىگىنىڭ قىزمەتكەرلەرى قازاقستاننىڭ گرۋزياداعى ەلشىلىگىنىڭ كومەگىمەن ەكونوميكالىق قىزمەت سالاسىندا اۋىر قىلمىس جاساعانى ءۇشىن قىلمىستىق جاۋاپتىلىققا تارتۋ ماقساتىندا قازاقستان ازاماتشاسىن گرۋزيادان ەكستراديسيالادى.
كۇدىكتى استانادا «World Busines Consulting» قارجى پيراميداسىنىڭ قۇرىلىمىن باسقاردى، ونىڭ بولىمشەلەر جەلىسى 2018-2022 جىلدارى قازاقستاننىڭ ءتۇرلى وڭىرلەرىندە ازاماتتارمەنجوعارى پايدا الۋدى سىلتاۋراتىپ، 6،5 ملردتەڭگەدەن استام قارجىنى زاڭسىز تارتقان.
اتالعان قىلمىستىق ۇيىمنىڭ ءبىرقاتار قاتىسۋشىلارى ناقتى باس بوستاندىعىنان ايىرۋعا سوتتالدى.
قىلمىس جاساعاننان كەيىن كۇدىكتى جاسىرىنىپ، وعان حالىقارالىق ىزدەۋ جاريالانعان.
2025 جىلدىڭ قاراشاسىندا ول گرۋزيادا ۇستالىپ، قازاقستان رەسپۋبليكاسى باس پروكۋراتۋراسىنىڭ سۇراۋى بويىنشا ەلگە ەكستراديسيالاندى.
ءقازىر كۇدىكتى ۋاقىتشا ۇستاۋ يزولياتورىنا قامالدى.
كورسەتىلگەن قىلمىستى جاساعانى ءۇشىن مۇلكى تاركىلەنىپ، 12 جىلعا دەيىنگى مەرزىمگە باس بوستاندىعىنان ايىرۋ جازاسى قاراستىرىلعان.
