Zań jobasy qabyldanǵan jaǵdaida, qarjy piramidasyn jarnamalaǵany úshin bir myńnan 3 myńǵa deiin ailyq eseptik kórsetkish kóleminde (9,1 million teńgege deiin) aiyppul salynady jáne úsh jyldan bes jylǵa deiin sottalýy múmkin. Qarjy piramidasyn quryp, oǵan basshylyq etkender 12 jylǵa deiin bas bostandyǵynan aiyrylady.
15 maýsymda zań jobasyn Májilis maquldaǵan.
Qarjy piramidasyn jarnamalaǵany úshin qylmystyq jaýapqa tartý máselesi belgili vainerlerdiń ústinen qylmystyq is qozǵalǵannan keiin kúrt kóbeigen. Tergeý nusqasy boiynsha, vainerler Mudarabah Capital qarjy piramidasyn jarnamalaýǵa qatysqan jáne odan tabys tapqan.
Sáýir aiynda qarjy piramidasynan zardap shegýshi retinde tanylǵan Almaty turǵyny Baǵila Dosmaiylova tergeý barysyna qanaǵattanbai Nur-Sultan qalasynda, ishki ister ministrliginiń aldynda óz-ózin jaǵyp jibergen. Buryn ol Almaty politsiiasy departamenti basshysynyń orynbasary Rýstam Abdrahmanov «qylmystyq isti jaýyp tastaýǵa asyǵyp otyr» dep málimdep, Mudarabah Capital kompaniiasyn jarnamalaǵan vainerler Meiirjan Tórebaev pen Meiirhana Sherniiazovty jaýapqa tartýdy talap etken.
Almaty politsiiasynyń málimetine qaraǵanda, Tórebaev pen Sherniiazov qylmystyq is boiynsha kúdikti dep tanylǵan. Qazir olar qamaýda otyr.
Qazaqstan qarjy monitoringi agenttiginiń málimetinshe, búginge deiin Qazaqstanda 17 myńnan astam adam qarjy piramidalaryna 27 milliard teńge salǵan.
