Maýsymnyń ortasynda ǵana Aqtóbede qarjy piramidasy isi boiynsha 30-dan astam sottalýshy ashtyq jariialady. Bul is boiynsha barlyǵy 48 adam sottalǵan bolatyn. Olar 7 jyldan 18 jylǵa deiingi merzimge bas bostandyqtarynan aiyryldy. Alaida, sottalǵandar bul úkimdi tym aýyr dep sanaidy. Sondyqtan da Aqtóbedegi «Garant 24 lombard» qarjy piramidasynyń isi boiynsha tergeý izoliatorynda otyrǵandar sot úkimimen kelispegenderin bildirip, ashtyq jariialady.
Sottalǵandar birneshe kún boiy tamaqtan bas tartty. Tergeý izoliatoryna jinalǵan olardyń týystary bul qadamǵa sot sheshimin tym qatal dep sanap, narazylyq retinde barǵandaryn jetkizdi.
«Meniń kúieýim Nurjan Eleýov 11 jylǵa sottaldy, onyń kinási dáleldenbedi, kináli bolsa ashtan jariialamas edi, olar bizdi arsyzdyqpen aqsha jinady dep aiyptap otyr. Biraq biz aqsha alǵan joqpyz. Biz jaldamaly jumysshylar edik, al quryltaishylar qazir Kiprde, tairańdap júr, olar ustalǵan joq», – deidi sottalýshylardyń biriniń áieli Dina Eleýova.
Tergeý izoliatory 33 sottalýshynyń ashtyq jariialaǵanyn málimdegen edi.
«Búgin olardyń tórteýi tamaqtanýdy jalǵastyrdy, qalǵan 29 sottalýshy meditsina qyzmetkerleriniń baqylaýynda, al ákimshiliktiń ustaý jaǵdaiyna shaǵymdary joq. Meniń oiymsha, búgin nemese erteń qalǵandary tamaqtanýdy jalǵastyrady, másele. sheshiledi», - dep túsindirdi Aqtóbe oblysy boiynsha túzeý mekemesiniń №70 mekemesiniń basshysy Aman Qulmuhambetov.
Aqtóbede qarjylyq piramidalarǵa qatysty atyshýly is boiynshak keltirilgen shyǵynnyń jalpy somasy 30 milliard teńgeden asyp jyǵylady. Odan elimizdiń 13 oblys ortalyǵy men eki qalasynan 17 myńnan astam adam zardap shekken dep tanyldy.
Mamyrdyń sońyn ala Jetisý óńiri turǵyndaryyń áigili Q-net qarjy piramidasyn uiymdastyrýshylarǵa 220 million teńgeden astam qarajat berip qoiǵany áshkerelendi. Qarjylyq monitoring agenttigi qyzmetkerleri qarjy piramidasyn basqarǵan kúdiktini ustady. Búginde quzyrly organ Taldyqorǵanda Q-net qarjy piramidasyn qurý isine qatysty tekserý júrgizip jatyr.
2018-2020 jyldar aralyǵynda bul qarjy piramidasynyń qyzmeti dúrkirep turǵany esimizden shyǵa qoiǵan joq. Tipti, bizdiń áriptesterimizdiń – jýrnalisterdiń birazy osy uiymnyń quryǵyna ilinip úlgergen. Qazirgi kezde piramidaǵa 231 azamat aldandy degen derek bar. Qalalyqtar piramidaǵa jalpy somasy 220 million teńgeden astam jeke qarajattaryn salyp úlgergen.
Sot qarjylyq piramidany basqarǵan kúdiktini ýaqytsha qamaýǵa aldy. Bizdiń bilýimizshe, sotqa deiingi tergeý jalǵasýda. Basqa aqparatty Qarjylyq monitoring agenttigi jariialamady.
Ótken aidyń sońynda ǵoi, Almatyda Hit beat music qarjy piramidasyn uiymdastyrýshynyń tanystyrylymy kezinde politsiia saltanatty sharanyń «shyrqyn» buzǵany. Bul uiym azamattardy «kanadalyq mýzykalyq jobalarǵa investitsiialaýǵa» shaqyrǵan. Almatyda politseiler Hit beat music qarjylyq piramidasyn uiymdastyryp, onyń jarnamalyq tanystyrylymyn jasamaq bolǵandardy ustady.
«Hit Beat Music (HBM Group) investitsiia salasyndaǵy aqparattyq-analitikalyq kompaniia retinde jasyrynyp, zańsyz árekettermen ainalysqan. Azamattarǵa turaqty syiaqyǵa «kepildikpen» kanadalyq mýzykalyq jobalarǵa investitsiia salý usynǵan. Sonymen birge, kompaniia Qazaqstanda zańdy tulǵa retinde tirkelmegen, ókildigi, filialy jáne ashyq bank shoty da joq bolyp shyqty», - dep habarlady Qarjylyq monitoring agenttigi.
2300-den astam salymshy investitsiiany cheksiz qolma-qol tabystap úlgeripti alaiaqtarǵa. Al kúdikti eki aiǵa qamaýǵa alyndy. Hit beat music qyzmetine tap bolǵandardan Qarjy monitoringi agenttiginiń 1458, +7 (771) 44-44-570 bailanys ortalyǵyna habarlasýyn suraidy. Bul is boiynsha tekserý sharalary áli jalǵasyp jatyr.
Jýyq arada kriptovaliýta piramidasyn jasaýshylar Jezqazǵan turǵyndarynan 124 million teńgeden astam aqshany jymqyryp ketkeni belgili boldy. Aldyn ala málimetterge qaraǵanda, 600-den astam adam investor atanǵan.
«Joba MetaGo dep atalady, investorlarǵa kriptovaliýtaǵa investitsiia salý usynylǵan. Aldyn ala málimetter boiynsha, uiymdastyrýshylar 124 million teńgeden astam qarajat jinaǵan», - dep jazdy quzyrly organnan.
Piramidany jasaǵan dep Jezqazǵan, Almaty jáne Astana qalalarynyń tórt turǵyny kúdikke ilingen. Búginde tergeý júrip jatyr.
Al qazaqstandyqtar Hermes qarjy piramidasyn uiymdastyrýshyǵa 120 million teńgeden astam aqsha beripti. Kúdikti qamaýǵa alyndy. Batys Qazaqstan oblysynda «Life is good» jáne «Germes» jobalary úshin qarjylyq piramidany uiymdastyrdy degen kúdikpen sotqa deiingi tergeý bastaldy. Qarjylyq monitoring agenttigi aýmaqtyq departamentiniń málimetinshe, «Hermes management LTD» JShS Life is good holdinginiń quramyna kiredi.
«Uiymdastyrýshylar aldanǵan azamattarǵa 24 paiyzdan 54 paiyzǵa deiin paida tabýǵa ýáde bergen. Qazaqstandyqtar alaiaqtardyń qolyna 120 mln teńgeden astam aqsha ustatqan», - dep atap ótti QMA ókilderi.
Qarjy piramidasyn uiymdastyrdy degen kúdikti ustalyp, eki aiǵa qamaýǵa alyndy. Sotqa deiingi tergeý jalǵasyp jatyr.
Mine, osy sekildi jyl basynan beri Qazaqstanda 22 qarjy piramidasy áshkere bolypty. Qarjylyq monitoring agenttigi sot sheshimimen dáleldengen jáne moiyndalǵan piramidalyq shemalardyń jańartylǵan tizimin jariialady.
Sotqa deiingi tergeýdegi qarjylyq piramida jobalarynyń tizimi mynadai: Kvazar, Chia Tai Tiahing, Chia Tai Tianqinq farmatsevtikalyq toby, Qnet, Inkrýiz, QazHome, Life is good LTD holdinginiń quramyna kiretin Hermes management LTD, PK «Best way».
Al qarjy piramidasy retinde tanylyp, tyiym salynǵan uiymdar qatary tómendegidei: LCD Otau Kz, Saltanat, World Business Consulting, «Upgrade-AS» JShS, DK «UBW.kz», «Antares Trade», «Antares Limited», Innova Gold, «IG Group KZ» JShS, Uly munara, B2B Jewerty, «Otbasylyq kapital» JShS, Úzdik jol investitsiiasy, TheFiniko, «Finstatýs» JShS, «ProfitGroup» JShS, «AIBA-Jania» JShS.
Tergeý aiaqtalǵan boljamdy qarjylyq piramidalar (sot qaraýynda): World Business Consulting, DK «UBW.kz», «Antares Limited», «Anteres Treid», Innova Gold, LCD-Otau Kz.
Sot úkimi shyqqan piramidalyq júielerdiń tizimi: Biregei qarjy, B2B zergerlik, Kaspii kokk, World Business Consulting, Finiko, Investitsiialyq konsaltingtik agenttik, Eden life, MMK Investment, «Shańyraq+» («Best Road Investment» JShS), River Coins Limited, «Aqsha aǵyny», «Uly bolashaq», «Nur-Jihaz», «Kóshbasshy kapital 168», «Narymbetova», «Ata-meken 2021» DK, «Ainalym 30%», «3 kúnde 30%», «Asyl invest», GAP DK, «Tabys», «Qazandyq», «Raýshan kassasy», «4 kn 70%, 5 kn 70%», «Bay Life», «Brondaý», «Bay Life checks», «Ainalym», «Vip chat», Qnet, Hermes management LTD
Jaýapty mekemeniń málimetinshe, jyl basynan beri 52 000 áleýmettik jeli qoldanýshysy qarjylyq piramidalarǵa qatysty mazmunǵa jazylýdan bas tartqan.
«Biyldyqqa 22 qarjylyq piramida anyqtaldy, kiberqadaǵalaý júiesinde 4000-ǵa jýyq saittar men akkaýnttar buǵattaldy. Osy baǵyttaǵy sharýalar budan bylai da jalǵasa beretin bolady. Azamattardan kúmándi qarjy kózderine aqsha aýdarýda saq bolýdy suraimyz», - dep jazdy Qarjylyq monitoring agenttiginen.
