2 maýsymda ótken sot otyrysynda jábirlenýshi Qarjaýbai Nurymovtyń otbasy kámeletke tolmaǵan sottalýshy Dýman Ysqaqqa keshirim berdi. Bul týraly jábirlenýshi taraptyń advokaty Meirman Shekeev málimdedi, dep habarlaidy Dalanews.kz.
Aita keteiik, 2007 jyly týǵan Dýman Ysqaq 11-synypta oqidy. Ol QR QK-niń 434-baby boiynsha - asa aýyr qylmys týraly habarlamaǵany úshin aiyptalyp jatyr.
Buǵan deiin memlekettik aiyptaýshy Dana Sársenbai sotta sóilegen sózinde Sherzatqa pyshaq salǵan Shynasyl ekeni tolyqtai dáleldengenin aitqan edi.
Onyń ishinde kúdikti retinde bergen jaýabynda «Sherzatqa pyshaq suǵyp aldym» degen sózi bar ekenin eske saldy.
Sot otyrysy barysynda qorǵaý quqyǵy bar Jaqsykeldiniń jáne sottalýshylardyń biri Abzaldyń tóbelesten keiin pyshaǵyn jýyp jatqanyn aitqan. Bul – istegi mańyzdy epizodtardyń biri retinde tirkeldi.
Saraptama nátijesine súiensek, Sherzattyń sol jaq ókpesiniń joǵarǵy bóligindegi jaraqat onyń ólimine sebep bolǵan jáne ol densaýlyqqa aýyr ziian keltiretin jaraqat retinde baǵalanǵan.
Prokýror sarapshy Halimnazarovtyń qorytyndysyn keltirip, jaraqattyń tereńdigi 12 sm bolǵanyn, al Shynasyldan alynǵan pyshaqtyń júzi 9,5 sm ekenin aitty. Sarapshynyń pikirinshe, adamnyń terisi serpimdi bolǵandyqtan, pyshaq sabynyń túbine deiin kirip ketken. Bul – pyshaqtyń úlken kúshpen salynǵanyn kórsetedi.
Dana Sársenbai Shynasyldyń sotty shatastyrý úshin ártúrli jaýap bergenin atap ótip, onyń sózine senýge bolmaitynyn jetkizdi. Prokýrordyń aitýynsha, Sherzatqa pyshaq salǵan naqty tulǵa – Shynasyl Abzal ekeni tolyq dáleldengen. Bul jaitty eki birdei sarapshy da rastaǵan.
