Vitse-prezident institýty Qazaqstannyń analitikalyq qýatyn kúsheitýi tiis. Erlan Qarinniń strategiialyq taldaý tájiribesi joǵary. Ol kezinde Prezident janyndaǵy Qazaqstan strategiialyq zertteýler institýtyn basqardy, memlekettik basqarý júiesinde qoǵamdyq-saiasi protsesterdi taldaýmen uzaq ainalysty, dep habarlaidy dalanews.kz Dala INSIDE telegram arnasyna silteme jasap.
Qazaqstanda analitika joq emes. Ministrlikter, Prezident Ákimshiligi, Ulttyq bank, QSZI, zertteý institýttary men sarapshylar jetkilikti. Biraq kóbinde osy aqparattyń barlyǵy bir jerge jinalyp, memlekettik sheshim qabyldaýǵa arnalǵan tutas analitikalyq ónimge ainala bermeidi.
Úkimet kez kelgen reformanyń ekonomikalyq tiimdiligin eseptei alsa da, onyń úsh jyldan keiin infliatsiiaǵa, bizneske, óńirlerge, halyqtyń tabysyna nemese qoǵamdyq kóńil-kúige qalai áser etetinin keshendi baǵalaý áldeqaida kúrdeli.
"Vitse-prezident institýtynyń mańyzdy fýnktsiialarynyń biri osyndai strategiialyq analitikalyq súzgi bolatyny sózsiz. Úkimet belgili bir bastama usynsa, Prezidentke tek sol bastamanyń artyqshylyqtary emes, onyń balama stsenariileri, táýekelderi men uzaq merzimdi saldary da qatar berile bastamaq. Bul sistema Think tank dep atalady. Onyń basty fokýsy búgingi máseleni ǵana emes, erteńgi saldaryn kórýge baǵyttalǵan, - deidi derekkóz.
Demek Qazaqstan sheshim qabyldaýdyń jańa arhitektýrasyna aýyspaq. Mysaly, qyrkúiek-qazan ailarynda osy júie arqyly qabyldanǵan alǵashqy sheshimderdi kóretin bolamyz.
