ۆيتسە-پرەزيدەنت ينستيتۋتى قازاقستاننىڭ اناليتيكالىق قۋاتىن كٷشەيتۋٸ تيٸس. ەرلان قاريننٸڭ ستراتەگييالىق تالداۋ تەجٸريبەسٸ جوعارى. ول كەزٸندە پرەزيدەنت جانىنداعى قازاقستان ستراتەگييالىق زەرتتەۋلەر ينستيتۋتىن باسقاردى, مەملەكەتتٸك باسقارۋ جٷيەسٸندە قوعامدىق-ساياسي پروتسەستەردٸ تالداۋمەن ۇزاق اينالىستى, دەپ حابارلايدى dalanews.kz Dala INSIDE تەلەگرام ارناسىنا سٸلتەمە جاساپ.
قازاقستاندا اناليتيكا جوق ەمەس. مينيسترلٸكتەر, پرەزيدەنت ەكٸمشٸلٸگٸ, ۇلتتىق بانك, قسزي, زەرتتەۋ ينستيتۋتتارى مەن ساراپشىلار جەتكٸلٸكتٸ. بٸراق كٶبٸندە وسى اقپاراتتىڭ بارلىعى بٸر جەرگە جينالىپ, مەملەكەتتٸك شەشٸم قابىلداۋعا ارنالعان تۇتاس اناليتيكالىق ٶنٸمگە اينالا بەرمەيدٸ.
ٷكٸمەت كەز كەلگەن رەفورمانىڭ ەكونوميكالىق تيٸمدٸلٸگٸن ەسەپتەي السا دا, ونىڭ ٷش جىلدان كەيٸن ينفلياتسيياعا, بيزنەسكە, ٶڭٸرلەرگە, حالىقتىڭ تابىسىنا نەمەسە قوعامدىق كٶڭٸل-كٷيگە قالاي ەسەر ەتەتٸنٸن كەشەندٸ باعالاۋ ەلدەقايدا كٷردەلٸ.
"ۆيتسە-پرەزيدەنت ينستيتۋتىنىڭ ماڭىزدى فۋنكتسييالارىنىڭ بٸرٸ وسىنداي ستراتەگييالىق اناليتيكالىق سٷزگٸ بولاتىنى سٶزسٸز. ٷكٸمەت بەلگٸلٸ بٸر باستاما ۇسىنسا, پرەزيدەنتكە تەك سول باستامانىڭ ارتىقشىلىقتارى ەمەس, ونىڭ بالاما ستسەنارييلەرٸ, تەۋەكەلدەرٸ مەن ۇزاق مەرزٸمدٸ سالدارى دا قاتار بەرٸلە باستاماق. بۇل سيستەما Think tank دەپ اتالادى. ونىڭ باستى فوكۋسى بٷگٸنگٸ مەسەلەنٸ عانا ەمەس, ەرتەڭگٸ سالدارىن كٶرۋگە باعىتتالعان, - دەيدٸ دەرەككٶز.
دەمەك قازاقستان شەشٸم قابىلداۋدىڭ جاڭا ارحيتەكتۋراسىنا اۋىسپاق. مىسالى, قىركٷيەك-قازان ايلارىندا وسى جٷيە ارقىلى قابىلدانعان العاشقى شەشٸمدەردٸ كٶرەتٸن بولامىز.
