Oljas Bektenov jylý kózderin jańǵyrtý qarqynyna qatysty ákimdikter jumysyndaǵy olqylyqtarǵa toqtaldy, dep habarlaidy Dalanews.kz.
Semei qalasynda qazandyqtardy jóndeý jumystary áli bastalmaǵan. Al Mańǵystaý oblysynda "MAEK-tiń" 2-shi jylý ortalyǵyndaǵy týrbinany jóndeý tájiribesi joq qurylys kompaniiasyna berilgen.
Qostanai oblysynda Rýdnyi jylý elektr ortalyǵyndaǵy týrbinany jóndeý 10 sáýirden beri bastalǵan joq. Arqalyq jylý stantsiiasyndaǵy qazandyq boiynsha da osyndai jaǵdai qalyptasyp otyr. Ulytaý oblysy Sátbaev qalasyndaǵy qazandyqtardy jóndeý jumystarynyń qarqyny da tym baiaý.
"Mundai kemshilikter óńirlerdiń bárinde derlik kezdesedi jáne ol tiisti baqylaý joqtyǵyn bildiredi. Ákimdikter ministrlikterge siltep nemese qarajat joqtyǵyn, konkýrstardy syltaýratyp, bul jumysty nazardan tys qaldyrýǵa bolmaidy. Jylytý maýsymyna daiyndyq – ákimdikterdiń aldaǵy úsh ai ishindegi negizgi mindeti", - dep atap ótti premer-ministr.
Óńir ákimdikteri konkýrstyq rásimderdi eki apta ishinde aiaqtap, jóndeý jumystaryna naqty kirisýi kerek.
"Basy artyq biýrokratiiaǵa jol berýge bolmaidy. Biyl iske qosý josparlanyp otyrǵan jańa jylý nysandary boiynsha barlyq jumysty tamyzdan keshiktirmei aiaqtaý qajet. Ákimderge jylý nysandaryna apta saiyn baryp, jaǵdaidy jeke baqylaýǵa alýdy jáne barlyq týyndaǵan qaýip boiynsha shuǵyl áreket etýdi tapsyramyn", - dedi Oljas Bektenov.
