Qaraǵandy oblystyq politsiia departamentiniń qyzmetkerleri Qaraǵandy qalasynyń aýdandarynyń birinde ornalasqan esirtki zerthanasyn joiý boiynsha arnaiy operatsiia ótkizdi, dep habarlaidy Dalanews.kz.
Operatsiia barysynda saiajai aýmaǵynan esirtki jasaýǵa paidalanylatyn aq untaq tárizdi zat salynǵan alty aǵash bóshke tabyldy. Keiinirek bul bóshkeler BMW X5 kóligine tielgeni anyqtaldy. Kólikti 39 jastaǵy Qaraǵandy turǵyny basqarǵan. Bóshkeler jeke úige jetkizilýi tiis bolǵan sátte kólik toqtatyldy.
Úige júrgizilgen tintý barysynda myna zattar tárkilendi:
• Esirtki jasaýǵa qajetti prekýrsorlary bar 6 bóshke;
• Keptirý kezeńindegi psihotroptyq zat bolýy múmkin suiyqtyq quiylǵan 35 shyny pallet;
• Belgisiz suiyqtyq salynǵan 33 kanistr;
• Untaq tárizdi zat toltyrylǵan 4 qap;
• 5 gaztutqysh;
• Salmaǵy 3 kelige jýyq daiyn alfa-PVP esirtkisi salynǵan 3 vakýýmdy paket;
• Esirtki óndirýge arnalǵan jabdyqtar (aralastyrǵyshtar, vakýýmator, jeldetkish júiesi);
• Tarazy, uialy telefondar, júielik blok jáne basqa da qural-jabdyqtar.
"Júrgizilgen arnaiy operatsiianyń nátijesinde 500 myń dozaǵa jýyq sintetikalyq esirtkiniń qara naryqqa shyǵarylýyna jol berilmedi. Qylmystyq iske qatysy bar kúdikti ýaqytsha ustaý izoliatoryna qamaldy", – delingen politsiia habarlamasynda.
Tárkilengen zattar boiynsha saraptama taǵaiyndalyp, qosymsha tergeý amaldary júrgizilip jatyr.
