Qaraǵandy qalasynda esirtki zattarynyń zańsyz ainalymy men kontrabandacyna qatysty is boiynsha úkim shyǵaryldy, dep habarlaidy Dalanews.kz.
Tergeýdi Bas kólik prokýratýrasynyń úilestirýimen QMA Qaraǵandy oblysy boiynsha departamenti júrgizdi.
Kolledj stýdentteriniń biri esirtki taratý arqyly tabys tabý múmkindigi týraly bilip, «Telegram» messendjeri arqyly belgisiz kýratormen «jasyrma-kýrer» jáne «qoima» fýnktsiialaryn atqarý jóninde kelisim jasaǵan.
Onyń mindetterine berilgen koordinattar boiynsha esirtki zattaryn alý, saqtaý, bólip oraý, tasymaldaý jáne qala aýmaǵynda jasyryn oryndarǵa ornalastyrý kirgen.
Kúnine ol shamamen 30 býma jasyrǵan.
Sonymen qatar, sottalýshy Tailandtan Qazaqstanǵa esirtki zattaryn halyqaralyq poshta jóneltim arqyly jetkizýdi uiymdastyrǵan. Osy maqsatta ol «Telegram» messendjeri arqyly 400 myń teńge syiaqyǵa, kámeletke tolmaǵan dropperdi tartyp, jóneltimdi onyń atyna rásimdegen.
Ol taýardy alý kezinde ustalyp, odan 909 gramm kannabis ekstrakty tárkilendi.
Tintý barysynda onyń turǵylyqty jerinen qosymsha 80 gramm esirtki zaty tabylyp, alyndy.
Sondai-aq uialy telefondy tekserý kezinde onyń bir kún buryn birneshe jasyrma ornalastyrǵany anyqtaldy. Berilgen koordinattar boiynsha taǵy 3,34 gramm kannabis ekstrakty tárkilendi.
Sot úkimimen kináli 15 jyl merzimge bas bostandyǵynan aiyryldy.
Úkim zańdy kúshine engen joq.
