قاراعاندى قالاسىندا ەسىرتكى زاتتارىنىڭ زاڭسىز اينالىمى مەن كونترابانداcىنا قاتىستى ءىس بويىنشا ۇكىم شىعارىلدى، دەپ حابارلايدى Dalanews.kz.
تەرگەۋدى باس كولىك پروكۋراتۋراسىنىڭ ۇيلەستىرۋىمەن قما قاراعاندى وبلىسى بويىنشا دەپارتامەنتى جۇرگىزدى.
كوللەدج ستۋدەنتتەرىنىڭ ءبىرى ەسىرتكى تاراتۋ ارقىلى تابىس تابۋ مۇمكىندىگى تۋرالى ءبىلىپ، «Telegram» مەسسەندجەرى ارقىلى بەلگىسىز كۋراتورمەن «جاسىرما-كۋرەر» جانە «قويما» فۋنكسيالارىن اتقارۋ جونىندە كەلىسىم جاساعان.
ونىڭ مىندەتتەرىنە بەرىلگەن كوورديناتتار بويىنشا ەسىرتكى زاتتارىن الۋ، ساقتاۋ، ءبولىپ وراۋ، تاسىمالداۋ جانە قالا اۋماعىندا جاسىرىن ورىندارعا ورنالاستىرۋ كىرگەن.
كۇنىنە ول شامامەن 30 بۋما جاسىرعان.
سونىمەن قاتار، سوتتالۋشى تايلاندتان قازاقستانعا ەسىرتكى زاتتارىن حالىقارالىق پوشتا جونەلتىم ارقىلى جەتكىزۋدى ۇيىمداستىرعان. وسى ماقساتتا ول «Telegram» مەسسەندجەرى ارقىلى 400 مىڭ تەڭگە سىياقىعا، كامەلەتكە تولماعان دروپپەردى تارتىپ، جونەلتىمدى ونىڭ اتىنا راسىمدەگەن.
ول تاۋاردى الۋ كەزىندە ۇستالىپ، ودان 909 گرامم كاننابيس ەكستراكتى تاركىلەندى.
ءتىنتۋ بارىسىندا ونىڭ تۇرعىلىقتى جەرىنەن قوسىمشا 80 گرامم ەسىرتكى زاتى تابىلىپ، الىندى.
سونداي-اق ۇيالى تەلەفوندى تەكسەرۋ كەزىندە ونىڭ ءبىر كۇن بۇرىن بىرنەشە جاسىرما ورنالاستىرعانى انىقتالدى. بەرىلگەن كوورديناتتار بويىنشا تاعى 3،34 گرامم كاننابيس ەكستراكتى تاركىلەندى.
سوت ۇكىمىمەن كىنالى 15 جىل مەرزىمگە باس بوستاندىعىنان ايىرىلدى.
ۇكىم زاڭدى كۇشىنە ەنگەن جوق.
