Qarabalinder áýletiniń týysy Farizat Kenjeǵalieva Atyraýdaǵy qaiǵyly oqiǵadan keiin balalardyń bolashaǵyna qatysty pikir bildirdi, dep habarlaidy dalanews.kz.
Onyń aitýynsha, qazirgi jaǵdaida balalardy týystardyń biriniń óz qamqorlyǵyna alýy ońai másele emes. Farizat Kenjeǵalieva ár otbasynyń óz turmysy, óz balalary men kúndelikti jaýapkershiligi bar ekenin aityp, bul jaǵdai syrt kózge kóringendei jeńil sheshilmeitinin jetkizdi.
Bul týraly ol Kursiv Media tilshisine bergen suhbatynda aitty.
"Qazir bireýdiń balasyn bireý baqpaidy. Óz balalaryń óz úiińe syimaidy. Bárinde bala bar. Óz oiym – eger Aqbaian saý bolsa, kómekteser edik. Endi bir otbasyny qyryp salyp... Aqbaian anandai bop jatqan jerde... Men ózim onyń balasyn baǵamyn dep aita almaimyn. Kim bolsa da, sóitedi... Balalardyń kinási joq... Ol osyndai áreketke barardyń aldynda oilanýy kerek edi. Aqylmen sheshý kerek, al ol ashýmen sheshti", – dedi Farizat Kenjeǵalieva.
Ol bul jaǵdaida eń aýyr máseleniń biri – balalardyń taǵdyry ekenin atap ótti. Farizat Kenjeǵalievanyń sózinshe, eresekterdiń áreketinen beikúná balalar zardap shekpeýi kerek.
