قاراباليندەر ەۋلەتٸنٸڭ تۋىسى فاريزات كەنجەعاليەۆا اتىراۋداعى قايعىلى وقيعادان كەيٸن بالالاردىڭ بولاشاعىنا قاتىستى پٸكٸر بٸلدٸردٸ, دەپ حابارلايدى dalanews.kz.
ونىڭ ايتۋىنشا, قازٸرگٸ جاعدايدا بالالاردى تۋىستاردىڭ بٸرٸنٸڭ ٶز قامقورلىعىنا الۋى وڭاي مەسەلە ەمەس. فاريزات كەنجەعاليەۆا ەر وتباسىنىڭ ٶز تۇرمىسى, ٶز بالالارى مەن كٷندەلٸكتٸ جاۋاپكەرشٸلٸگٸ بار ەكەنٸن ايتىپ, بۇل جاعداي سىرت كٶزگە كٶرٸنگەندەي جەڭٸل شەشٸلمەيتٸنٸن جەتكٸزدٸ.
بۇل تۋرالى ول Kursiv Media تٸلشٸسٸنە بەرگەن سۇحباتىندا ايتتى.
"قازٸر بٸرەۋدٸڭ بالاسىن بٸرەۋ باقپايدى. ٶز بالالارىڭ ٶز ٷيٸڭە سىيمايدى. بەرٸندە بالا بار. ٶز ويىم – ەگەر اقبايان ساۋ بولسا, كٶمەكتەسەر ەدٸك. ەندٸ بٸر وتباسىنى قىرىپ سالىپ... اقبايان انانداي بوپ جاتقان جەردە... مەن ٶزٸم ونىڭ بالاسىن باعامىن دەپ ايتا المايمىن. كٸم بولسا دا, سٶيتەدٸ... بالالاردىڭ كٸنەسٸ جوق... ول وسىنداي ەرەكەتكە باراردىڭ الدىندا ويلانۋى كەرەك ەدٸ. اقىلمەن شەشۋ كەرەك, ال ول اشۋمەن شەشتٸ", – دەدٸ فاريزات كەنجەعاليەۆا.
ول بۇل جاعدايدا ەڭ اۋىر مەسەلەنٸڭ بٸرٸ – بالالاردىڭ تاعدىرى ەكەنٸن اتاپ ٶتتٸ. فاريزات كەنجەعاليەۆانىڭ سٶزٸنشە, ەرەسەكتەردٸڭ ەرەكەتٸنەن بەيكٷنە بالالار زارداپ شەكپەۋٸ كەرەك.
