Endigi aitpaǵym mynaý, ózim qytai elinde týyp-óstim. Eseie kele qytai mektepterinde oqyp, hanzýlarmen aralas-quralas ta bolyp, olardyń qandai ult ekenine qanyǵa bastadyq.
Bulardyń ulttyq ustanymy múlde basqasha. Otbasylyq tárbiesiniń ózinde eshqashan kúsh qoldanbai, birtindep basyp alý saiasatyn úiretedi. Bizdiń aýyl taý jastanǵan, shaǵyn egistik jeri bar shalǵai qystaq bolatyn. Bala kúnimizde iinaǵash kóterip, kiim-keshek satyp júrgen qytailardy kórsek bir top bala tas laqtyryp, sońynan qyzyqtap erip alatynbyz.
Sol qytailar birtindep aiaq kiim jamaýshy, aýyl adamdaryn fotoǵa túsirýshi, aǵashtan úi jihazdaryn jasaýshy, jaldanyp úi salyp, egin egýshi bolyp, kádimgi quldyqta ómir súretin.
Bir kúni marqum ájem jaýynda malmandai sý bolyp, bizdiń úidi panalaǵan 3-4 qytaiǵa as-sýyn berip, jolǵa salǵan soń esik jaqtaǵy solar otyrǵan jerdi otpen alastap, sýsyn ishken ydystaryn kúlmen úsh qaitara jýǵany áli kóz aldymda...
Endi qazir sol qytailar baiaǵyda-aq aýyldyń qojasyna ainalǵan. Iri saýda dúkenderi, eginshilik alqaptary solardyń qolyna ótken. Kezindegi qul, qazirgi qojaiyn qytailarǵa aýyl qazaqtary jaldanyp kún kóredi. Kózben kórmeseńiz senbessiz, árine.
Jaqynnan beri «Qazaq jerleri qytailarǵa 25 jylǵa jalǵa beriledi» degen sýyq habardy estip, menen uiqy qashty. Túrli egis daqyldaryn tez ósirip, mol ónim alý úshin olar asa ýly biogendik-himiialyq tyńaitqyshtardy molynan qoldanady. Túrli qurttardy qyrý úshin shashqan dárilerinen tyshqandar qyrylady, ony jegen dala qustary túgeldei qyrǵynǵa ushyraidy. Sonymen, 3-5 jyl ishinde qalyń topyraq qabatyn qaityp joiylmaityn asa qaterli ýly dárilerdiń otanyna ainaldyrady.
25 jylǵa ǵana jalǵa alyp qoimai, taǵy uzartsa 40-50 jyl ishinde Semei poligonynan da qaýipti telim-telim jerlerdi qaptaǵan jiendermen qosa Qazaqqa qaitaryp berip, búlinbei tyń turǵan taza jerlerge aýyz salady.
Ol kezde bulardy elden qýalap kórińiz!
Aita bersek, dálel men fakt shashtan kóp.
Qysqasy, jerdi jalǵa berý degenimiz, erteńgi milliondaǵan Qazaqtyń tamyryn shaýyp, quldyqqa túsirý! QAZAQ deitin qasietti ulttyń jer betinen birtindep joiylýyna alyp kelý! 100 million Úndistiń súieginiń ústine turǵyzylǵan Amerika siiaqty ekinshi qytai eli bizde paida bolmaýy úshin, baitaq dalany keleshekke aman qaldyrý úshin basymyzdy tigip, qarsy shyǵaiyq, aǵaiyndar!
Ularbek Dálei, aqyn
