Almatyda qańtar oqiǵasy kezinde arheologty atyp óltirgen degen kúdikke ilingen polkovniktiń isi qaralyp jatyr, - dep habarlaidy Dalanews.kz Respýblika basylymyna silteme jasap.
Almatyda Almaty garnizonynyń Áskeri sotynda sýdia Aidar Sekenovtyń tóraǵalyǵymen QR Ulttyq ulanynyń polkovnigi Aitjan Aýbakirovqa qatysty sot bastaldy.
Ol 2022 jylǵy 6 qańtarda qarýy joq jáne qolyna kisen salynǵan áýesqoi arheolog Erlan Jaǵyparovty atyp óltirgen degen kúdikke ilindi.
Sotqa deiingi tergeý 2024 jylǵy 6 tamyzda aiaqtalǵan. Jábirlenýshi tarap 26 tomnan turatyn is materialdarymen bir aidyń ishinde tanysyp shyqty.
Al aiyptalýshy tarap iske tórt ai boiy, onyń ishinde eki ai Erlan Jaǵyparovtyń anasyna tergeýshiler qaitarǵan uialy telefonynyń mazmunyn zertteýge jumsady.
Polkovnikke ókilettigin asyra paidalandy degen aiyp taǵylǵan, alaida jábirlenýshi tarap isti «eki jáne odan da kóp adamdy óltirý» babyna qaita kvalifikatsiialaýǵa qol jetkizýdi kózdep otyr. Erlan Jaǵyparovpen birge taǵy bir jas jigittiń de atylyp óltirilgeni belgili.
