Almaty oblysynyń gazdandyrý shemasyna sáikes oblysta gazdy qajet etetin 284 eldi meken bar. Qazirgi ýaqytta onyń 157-si (55,3%) gazdandyrylyp, 1,2 mln adam (77%) gazǵa qol jetkizdi, dep habarlaidy Dalanews.kz
Oblysqa tabiǵi gaz keletin iri magistraldyq gaz qubyrlary: Almaty-Taldyqorǵan, Almaty-Baiserke-Talǵar, 2 jelili Almaty-Baiserke-Talǵar, Baiserke-Qapshaǵai, Tashkent-Bishkek-Almaty, Buhara gaz qubyry, Qazaqstan-Qytai jáne «Shelek-Kegen-Narynkol» gaz qubyrlary salynyp jatyr. 2023 jyly «Almaty-Baiserke-Talǵar» gaz qubyry salyndy (ABT gaz qubyrynyń ýchaskesin joiý jumystary 2025 jylǵa josparlandy). Aldaǵy ýaqytta gaz qubyryn «Intergaz Ortalyq Aziia» AQ-na berý josparlanyp otyr.
2024 jyly 17 eldi mekende qurylys-montaj jumystary aiaqtaldy. Olar: Jambyl aýdanynda – Birlik, Aqterek, Aqseńgir, Kókdala, Jaisan, B. Qydyrbekuly, Beriktas, Degeres, Qazybek bek; Alataý qalasynda – Jańaarna yqshamaýdany, Eńbek yqshamaýdany, Talǵar aýdanynda – Arqabai, Kóktal, Qainar, Tóńkeris; Uiǵyr aýdanynda – Bahar, Sharyn. Osylaisha, oblystyń 40 myńnan astam turǵynynyń turmys jaǵdaiy jaqsardy.
Sondai-aq, 18 joba boiynsha memlekettik saraptamanyń oń qorytyndysy shyqty. Olar: Balqash aýdanynda – Bereke, Eńbekshiqazaq aýdanynda – Taldybulaq, Satai, Qarakemer, Nurly, Masaq, Dostyq, Lavar, Qoram, Qaraturyq, Dihan, Qarajota, Shelek-Kegen-Narynkól, Qarasai aýdanynda – Qarasai, Talǵar aýdanynda – Dáýlet aýyly. Qonaev qalasy boiynsha – MKD, KPR, №19, №20, «Arna», «Spýtnik», «Raýan» yqsham aýdandary. Bul taǵy da 100 myńnan astam turǵyndy kógildir otynmen qamtamasyz etýge múmkindik beredi.
2025 jyly 12 eldi mekendi gazben qamtý júiesin júrgizýge biýdjetten 3,75 mlrd teńge bólindi. Olar: Balqash aýdanynda – Baqanas, Aqjar, Boiaýly, Miialy jańa yqshamaýdany; Jambyl aýdanynda – Tańbalytas, Shilibastaý, Arqarly; Talǵar aýdanynda – Elaman, Kishi Baiserke, Dáýlet; Uiǵyr aýdanynda – Tasqarasý; Qarasai aýdanynda – Saýynshy (RB – 250 mln teńge, MB – 3,5 mlrd teńge).
Sonymen qatar, 29 jobany damytýǵa oblystyq biýdjetten 1,4 mlrd teńge bólindi. Onyń 673,8 mln teńgesi Qonaev qalasyn keshendi damytý josparyna sáikes 8 sharany júzege asyrýǵa jumsalady. Balqash aýdanynda – Býra, Úshjarma, Aqkól; Eńbekshiqazaq aýdanynda – Aqshi, Qairat, Baltabai, Bólek, Aimen, Alǵa, Qoishybek, Bazarkeldi, Kosmos, Qyzylsharyq; Talǵar aýdanynda – Ózterim, Nura, Týǵanbai; Ile aýdanynda – Quiǵan; Uiǵyr aýdanynda – Kishi Dihan, Úlken Dihan, Qoljat, Ketpen; KPR – «Konaev 2» AGTS, «Jańa Ile» AGTS, atalǵan avtomatty gaz taratý stansalarynan gaz qubyrlaryn júrgizý. Qonaev qalasyndaǵy gaz magistraldaryn keńeitý jumystary.
Bul rette 2025 jyldyń sońyna deiin oblysty gazdandyrý paiyzyn 59,8%-ǵa deiin ulǵaityp, 170 eldi mekendi kógildir otynmen qamtamasyz etý josparlanyp otyr. Qalǵan 114 eldi meken «Almaty oblysynyń 2030 jylǵa deiingi óńirlik gazdandyrý shemasyna» sáikes tolyq qarjylandyrylǵan soń ýaqytyly gazdandyrylady.
