Qazaqstan Respýblıkasy Úkimetiniń qaýlysymen Qanat Jumabaıuly Ysqaqov mádenıet jáne aqparat birinshi vıse-mınıstri qyzmetine taǵaıyndaldy, dep habarlaıdy Dalanews.kz.
Qanat Ysqaqov 1982 jyly Shymkent qalasynda dúnıege kelgen. Ál-Farabı atyndaǵy Qazaq ulttyq ýnıversıtetin jáne M.V. Lomonosov atyndaǵy Máskeý memlekettik ýnıversıtetin támamdaǵan.
Eńbek jolyn 2005 jyly Almaty qalasy Jastar saıasatyn damytý memlekettik qorynyń jetekshi mamany retinde bastaǵan. Ár jyldary túrli memlekettik qurylymdarda, onyń ishinde QR Parlamenti Májilisinde, QR Prezıdenti Ákimshiliginde, Memlekettik hatshynyń hatshylyǵynda, sondaı-aq Prezıdent Ákimshiliginiń Strategıalyq ázirlemeler jáne taldaý ortalyǵynda jumys istegen.
2012–2021 jyldary Prezıdent Ákimshiliginiń baspasóz qyzmetinde sektor meńgerýshisi bolǵan. 2021–2023 jyldary Aqparat jáne qoǵamdyq damý mınıstrligi Aqparat komıtetiniń tóraǵasy qyzmetin atqardy.
2023 jyldan beri mádenıet jáne aqparat vıse-mınıstri laýazymynda jumys istep keldi.
