Aıta keteıik, 10 aqpanda Qyrǵyzstannyń Mınıstrler kabıneti tóraǵasynyń orynbasary – Memlekettik ulttyq qaýipsizdik komıtetiniń tóraǵasy Qamshybek Táshıev qyzmetinen bosatyldy.
Qyrǵyzstan UQMK-niń burynǵy tóraǵasy Qamshybek Táshıev elden ushyp ketkeni habarlandy. Bul aqparatty «Óńir» telearnasynyń dırektory Otkýrbek Rahmanov málimdegen, dep habarlaıdy Dalanews.kz.
Onyń aıtýynsha, Táshıev Qyrǵyzstannan ýaqytsha ketken. Buǵan deıin osy mazmundaǵy málimet 24.kg saıtynda da jarıalanǵan. Taratylǵan vıdeomaterıalda sapardyń maqsaty men shetelde qansha ýaqyt bolatyny naqtylanbaǵan.
Qazirgi tańda onyń elden ketýine baılanysty memlekettik organdar tarapynan resmı túsinikteme berilgen joq.
Buǵan deıin Qyrǵyzstan prezıdenti Sadyr Japarov Qyrǵyzstan MUQK-niń burynǵy tóraǵasy Qamshybek Tashıevtiń qyzmetten ketýine taǵy da túsinikteme berdi. Prezıdenttiń aıtýynsha, olar dostyq qarym-qatynasty saqtap qalǵanymen, Qamshybek Tashıev memlekettik qyzmetke qaıta oralmaıdy.
