Túrkiianyń 15 millionǵa jýyq azamaty qamaýǵa alynǵan Ystambul meri Ekrem Imamoǵlýdy el prezidenttigine kandidat retinde usyndy, dep habarlaidy Dalanews.kz.
Bul týraly Túrkiianyń oppozitsiialyq Halyq-respýblikalyq partiiasynyń tóraǵasy Ózgúr Ózel Ystambulda sóilegen sózinde málimdedi, dep habarlaidy NTV.
Sondai-aq ol Túrkiia prezidenti Rejep Taiyp Erdoǵandy merziminen buryn prezident sailaýyn ótkizý týraly sheshim qabyldaýǵa jáne olarǵa Imamoǵlýmen sailaýda kúresýge shaqyrdy.
"23 naýryzda elimizdiń bolashaq prezidenti Ekrem Imamoǵlýǵa partiiamyzdyń 1,653 mln múshesi daýys berdi. Bul - qazirgi tóńkeris áreketine eń kúshti jaýap. Sondai-aq azamattarǵa bizge kelip, daýys berý úshin yntymaqtastyq jáshikterin usyndyq. Nátijesinde bolashaq prezident Ekrem úshin 13,21 million daýys aldyq. Oǵan barlyǵy 14,85 millionnan astam adam daýys berdi", - dedi HRP basshysy.
Ózel saýalnama nátijeleri Erdoǵannyń zańdy sailanǵanyna kúmán keltirip, merziminen buryn sailaý ótkizý qajet ekenin tanytýda.
Túriktiń tanymal estrada ánshisi Tarkan otanynda bolyp jatqan oqiǵaǵa qatysty túsinikteme berdi. Ol narazylyq aktsiiasyna shyǵýshylardyń talabyn qoldady.
"Barlyq ádiletsizdikter, zańsyz sot protsesteri jáne zańdy protsedýraǵa sai kelmeitin áreketter adamdardyń búginderi demonstratsiiaǵa shyǵýǵa májbúr etip otyr. Demokratiiany jaqtaýshylardyń kóp bolýy meni qýantady. Bizdiń adamdar ádiletsizdikke qarsy turyp, tutasa saiasi ómirge belsene aralasyp jatýy mende bir jaǵynan maqtanysh, taǵy bir jaǵynan ýaiym sezimin oiatty. Biz ádiletti jáne erkin bolashaq úshin absoliýtti táýelsizdikke, zań ústemdigine degen senimimizdi joǵaltpai birige alatynymyzdy kórgenniń ózi bir ǵanibet", - dep jazdy ánshi H áleýmettik jelisinde.
Buǵan deiin saitymyzda "Tóńkeris bola jazdady". Qor naryǵy quldyrap, Túrkiia dúrbeleńge boi urýda" degen maqala jariialanǵan.
