Biri alǵashqy synyp jetekshisin kóz aldyna elestetip jatqan bolar, endi birine stýdent kezdegi muǵalimderiniń beinesi kólbeńdep kelgen shyǵar. Rasymen de, «ustazy jaqsynyń ustamy jaqsy» degendei, kókjiegińdi keńeitetin, maqsaty aiqyn, bilimi men biliktiligi ushtasqan muǵalim kez kelgen oqýshyǵa úlgi. Al eger ol, sonymen qatar, jas, eńbekqor, ziialy bolyp jatsa, tipten keremet.
Sondai muǵalimderdiń biri – Qaraǵandy qalasyndaǵy mektepterdiń birinde aǵylshyn páninen sabaq beretin Ádilet Isabekov.
Pedagogika ǵylymdarynyń kandidatymen otandyq bilim berý júiesi týraly suhbattasyp, balalarǵa qandai keńes beretinin suraǵan edik.
Bolashaq mamandyǵyn qaraǵandylyq jas muǵalim AQSh-ta oqyp júrgeninde-aq tańdaǵan. Ol kezde 23 jasar Ádilet maqsatyna jetip, alys Amerikaǵa magistratýraǵa túsken. Alaida tropikalyq kúnge kúiip jata bermei, aldyna jańa maqsat qoiyp, tez arada sheshim qabyldaý qajet bolǵan.
Kantri-Klabtaǵy jalaqysy mol jumys, restorandyq biznes menedjmentindegi tabysty qyzmet... Álbette, Ádilet uzaq oilandy. Onyń ústine, kelisimshartty uzartý týraly da usynys túsip, AQSh-taǵy karerasy alǵa basyp turǵan edi. Alaida, Otanǵa degen súiispenshilik Ádiletti elge jetelep turdy. Búginde onyń 4 joǵary bilimi bar.
«Oqýdy bitirgen soń muǵalim bolam dep sheshtim. Sondyqtan, elge oralǵan soń birden magistratýraǵa túsip, aǵylshyn pániniń muǵalimi degen diplomdy iemdendim. Oqyp júrip, Qaraǵandydaǵy qazaq-túrik litseiinde ustazdyq ettim», - deidi bul týraly Ádilettiń ózi.
Búginde Ádilettiń jasy 26-da. Oqýshylarǵa sabaq berip, bilimderin tolyqtyryp júr. Bala da adam tańdai biledi ǵoi, oqýshylar da muǵalimine ábden úiir bolyp alǵan.
«Balany sabaqqa baýlý qiyn emes. Eń bastysy, tilin taba bilý qajet. Áitpese, qabiletsiz bala bolmaidy. Árqaisysy óz aldyna daryndy, óz aldyna zeiindi.
Meniń basty metodikam – balalardy tyńdaý, solardyń tilinde sóilesý.
Ustazdardyń jumysyndaǵy jalǵyz qiyndyq – qazaqstandyq bilim berý júiesinde, bizdiń ǵana emes, búkil álemde muǵalimderdi tym qatty shektep tastaǵan. Al men kreativti jaqsy kóremin, tyń dúnielerdi oilap taýyp, solardy oqý júiesine qosqandy unatamyn. Biraq, keide shekteýlerdiń kesirinen kreativ pen oqý júiesin bailanystyrý óte qiyn.
Al balalar úshin oqýdy qyzyqty etýdiń joldary kóp.
Ádilettiń aitýynsha, HHI ǵasyrdyń muǵalimi birinshi kezekte balalardy bilimge qyzyqtyra bilý kerek, al qalǵanyn oqýshylardyń ózderi qajetine qarai úirenip alady.
«Ár sabaqqa jospar qurǵanda birinshi kezekte atmosferany joǵary qalypta ustaýǵa tyrysamyn. Sabaqtyń qarqynyn túsirmeý qajet, qyzyqty etip, ár saǵatty bir-birine uqsamaityndai erekshe etý kerek. Sonda balanyń bilimge degen qyzyǵýshylyǵy joǵalmaidy.
Jalpy, HHI ǵasyrdyń muǵalimine qoiylar basty talap – balany sabaqqa qyzyqtyra bilý. Al qalǵanyn oqýshynyń ózi úirenip alady. Óitkeni, qazirgi balalar óte zeiindi ári qabiletti. Tez úirenedi. Eń bastysy, jalyqtyryp almaý kerek. Til úiretip, ádebietke baýli otyra olardyń boiyna meiirbandyqty, adaldyqty, raqymdylyqty sińirgim keledi.
Adamnyń boiyndaǵy bul qasietter akademiialyq kórsetkishterden de áldeqaida qundy. Sonymen qatar, balalardy kitap oqýǵa baýlý qajet. Barlyq oqýshylarym klassikalyq kitaptar oqidy. Klassikalyq kitaptar oqýshynyń damýyna jaqsy áser etedi».
Budan bólek, Ádilet Isabekov búginde PROF ME UP dep atalatyn onlain-kýrstyń avtory.
«Bul kýrsta mamandyqty qalai tańdaý qajet, qalai izdegen durys nemese unaǵan isińmen ainalysý úshin ne isteý kerek degen syndy ábden jaýyr bolǵan máselelerdi aitpaimyz. Munda mamandyqty tańdaýǵa degen jańa kózqarastar týraly oi qozǵaimyz. Iaǵni, «A» núktesin adaspai taýyp, «V» núktesine jańylmai barýdyń barlyq joldaryn qarastyratyn navigatoryńyz bolmaq».
Avtordyń aitýynsha, kýrs mekteptiń joǵarǵy synyp oqýshylaryna ǵana emes, stýdentterge de paidaly bolmaq.
«Jalpy, bolashaǵyn qai salamen bailanystyrýdy bilmei júrgenderge, mamandyq tańdaýda qatelesýden qorqatyndarǵa, ishki dúniesin damytqysy kelgenimen neden bastaryn bilmei júrgenderge arnalady», - deidi Ádilet.
Ambitsiiasy joǵary Ádilettiń aldaǵy josparlary da orasan. Onysyn jasyrmaidy da.
«Josparym óte kóp. Qazir jańa bilim berý júiesi jóninde joba daiyndap jatyrmyn. Aldaǵy ýaqytta Bilim jáne ǵylym ministrliginde sátti qorǵaimyn dep oilaimyn. Jalpy, qazaqstandyq mektepterdiń áleýeti zor. Men sol áleýetin ashqym keledi», - dep suhbatty aiaqtady Ádilet Isabekov.
