بٸرٸ العاشقى سىنىپ جەتەكشٸسٸن كٶز الدىنا ەلەستەتٸپ جاتقان بولار, ەندٸ بٸرٸنە ستۋدەنت كەزدەگٸ مۇعالٸمدەرٸنٸڭ بەينەسٸ كٶلبەڭدەپ كەلگەن شىعار. راسىمەن دە, «ۇستازى جاقسىنىڭ ۇستامى جاقسى» دەگەندەي, كٶكجيەگٸڭدٸ كەڭەيتەتٸن, ماقساتى ايقىن, بٸلٸمٸ مەن بٸلٸكتٸلٸگٸ ۇشتاسقان مۇعالٸم كەز كەلگەن وقۋشىعا ٷلگٸ. ال ەگەر ول, سونىمەن قاتار, جاس, ەڭبەكقور, زييالى بولىپ جاتسا, تٸپتەن كەرەمەت.
سونداي مۇعالٸمدەردٸڭ بٸرٸ – قاراعاندى قالاسىنداعى مەكتەپتەردٸڭ بٸرٸندە اعىلشىن پەنٸنەن ساباق بەرەتٸن ەدٸلەت يسابەكوۆ.
پەداگوگيكا عىلىمدارىنىڭ كانديداتىمەن وتاندىق بٸلٸم بەرۋ جٷيەسٸ تۋرالى سۇحباتتاسىپ, بالالارعا قانداي كەڭەس بەرەتٸنٸن سۇراعان ەدٸك.
بولاشاق ماماندىعىن قاراعاندىلىق جاس مۇعالٸم اقش-تا وقىپ جٷرگەنٸندە-اق تاڭداعان. ول كەزدە 23 جاسار ەدٸلەت ماقساتىنا جەتٸپ, الىس امەريكاعا ماگيستراتۋراعا تٷسكەن. الايدا تروپيكالىق كٷنگە كٷيٸپ جاتا بەرمەي, الدىنا جاڭا ماقسات قويىپ, تەز ارادا شەشٸم قابىلداۋ قاجەت بولعان.
كانتري-كلابتاعى جالاقىسى مول جۇمىس, رەستوراندىق بيزنەس مەنەدجمەنتٸندەگٸ تابىستى قىزمەت... ەلبەتتە, ەدٸلەت ۇزاق ويلاندى. ونىڭ ٷستٸنە, كەلٸسٸمشارتتى ۇزارتۋ تۋرالى دا ۇسىنىس تٷسٸپ, اقش-تاعى كارەراسى العا باسىپ تۇرعان ەدٸ. الايدا, وتانعا دەگەن سٷيٸسپەنشٸلٸك ەدٸلەتتٸ ەلگە جەتەلەپ تۇردى. بٷگٸندە ونىڭ 4 جوعارى بٸلٸمٸ بار.
«وقۋدى بٸتٸرگەن سوڭ مۇعالٸم بولام دەپ شەشتٸم. سوندىقتان, ەلگە ورالعان سوڭ بٸردەن ماگيستراتۋراعا تٷسٸپ, اعىلشىن پەنٸنٸڭ مۇعالٸمٸ دەگەن ديپلومدى يەمدەندٸم. وقىپ جٷرٸپ, قاراعاندىداعى قازاق-تٷرٸك ليتسەيٸندە ۇستازدىق ەتتٸم», - دەيدٸ بۇل تۋرالى ەدٸلەتتٸڭ ٶزٸ.
بٷگٸندە ەدٸلەتتٸڭ جاسى 26-دا. وقۋشىلارعا ساباق بەرٸپ, بٸلٸمدەرٸن تولىقتىرىپ جٷر. بالا دا ادام تاڭداي بٸلەدٸ عوي, وقۋشىلار دا مۇعالٸمٸنە ەبدەن ٷيٸر بولىپ العان.
«بالانى ساباققا باۋلۋ قيىن ەمەس. ەڭ باستىسى, تٸلٸن تابا بٸلۋ قاجەت. ەيتپەسە, قابٸلەتسٸز بالا بولمايدى. ەرقايسىسى ٶز الدىنا دارىندى, ٶز الدىنا زەيٸندٸ.
مەنٸڭ باستى مەتوديكام – بالالاردى تىڭداۋ, سولاردىڭ تٸلٸندە سٶيلەسۋ.
ۇستازداردىڭ جۇمىسىنداعى جالعىز قيىندىق – قازاقستاندىق بٸلٸم بەرۋ جٷيەسٸندە, بٸزدٸڭ عانا ەمەس, بٷكٸل ەلەمدە مۇعالٸمدەردٸ تىم قاتتى شەكتەپ تاستاعان. ال مەن كرەاتيۆتٸ جاقسى كٶرەمٸن, تىڭ دٷنيەلەردٸ ويلاپ تاۋىپ, سولاردى وقۋ جٷيەسٸنە قوسقاندى ۇناتامىن. بٸراق, كەيدە شەكتەۋلەردٸڭ كەسٸرٸنەن كرەاتيۆ پەن وقۋ جٷيەسٸن بايلانىستىرۋ ٶتە قيىن.
ال بالالار ٷشٸن وقۋدى قىزىقتى ەتۋدٸڭ جولدارى كٶپ.
ەدٸلەتتٸڭ ايتۋىنشا, ححٸ عاسىردىڭ مۇعالٸمٸ بٸرٸنشٸ كەزەكتە بالالاردى بٸلٸمگە قىزىقتىرا بٸلۋ كەرەك, ال قالعانىن وقۋشىلاردىڭ ٶزدەرٸ قاجەتٸنە قاراي ٷيرەنٸپ الادى.
«ەر ساباققا جوسپار قۇرعاندا بٸرٸنشٸ كەزەكتە اتموسفەرانى جوعارى قالىپتا ۇستاۋعا تىرىسامىن. ساباقتىڭ قارقىنىن تٷسٸرمەۋ قاجەت, قىزىقتى ەتٸپ, ەر ساعاتتى بٸر-بٸرٸنە ۇقسامايتىنداي ەرەكشە ەتۋ كەرەك. سوندا بالانىڭ بٸلٸمگە دەگەن قىزىعۋشىلىعى جوعالمايدى.
جالپى, ححٸ عاسىردىڭ مۇعالٸمٸنە قويىلار باستى تالاپ – بالانى ساباققا قىزىقتىرا بٸلۋ. ال قالعانىن وقۋشىنىڭ ٶزٸ ٷيرەنٸپ الادى. ٶيتكەنٸ, قازٸرگٸ بالالار ٶتە زەيٸندٸ ەرٸ قابٸلەتتٸ. تەز ٷيرەنەدٸ. ەڭ باستىسى, جالىقتىرىپ الماۋ كەرەك. تٸل ٷيرەتٸپ, ەدەبيەتكە باۋلي وتىرا ولاردىڭ بويىنا مەيٸرباندىقتى, ادالدىقتى, راقىمدىلىقتى سٸڭٸرگٸم كەلەدٸ.
ادامنىڭ بويىنداعى بۇل قاسيەتتەر اكادەمييالىق كٶرسەتكٸشتەردەن دە ەلدەقايدا قۇندى. سونىمەن قاتار, بالالاردى كٸتاپ وقۋعا باۋلۋ قاجەت. بارلىق وقۋشىلارىم كلاسسيكالىق كٸتاپتار وقيدى. كلاسسيكالىق كٸتاپتار وقۋشىنىڭ دامۋىنا جاقسى ەسەر ەتەدٸ».
بۇدان بٶلەك, ەدٸلەت يسابەكوۆ بٷگٸندە PROF ME UP دەپ اتالاتىن ونلاين-كۋرستىڭ اۆتورى.
«بۇل كۋرستا ماماندىقتى قالاي تاڭداۋ قاجەت, قالاي ٸزدەگەن دۇرىس نەمەسە ۇناعان ٸسٸڭمەن اينالىسۋ ٷشٸن نە ٸستەۋ كەرەك دەگەن سىندى ەبدەن جاۋىر بولعان مەسەلەلەردٸ ايتپايمىز. مۇندا ماماندىقتى تاڭداۋعا دەگەن جاڭا كٶزقاراستار تۋرالى وي قوزعايمىز. ياعني, «ا» نٷكتەسٸن اداسپاي تاۋىپ, «ۆ» نٷكتەسٸنە جاڭىلماي بارۋدىڭ بارلىق جولدارىن قاراستىراتىن ناۆيگاتورىڭىز بولماق».
اۆتوردىڭ ايتۋىنشا, كۋرس مەكتەپتٸڭ جوعارعى سىنىپ وقۋشىلارىنا عانا ەمەس, ستۋدەنتتەرگە دە پايدالى بولماق.
«جالپى, بولاشاعىن قاي سالامەن بايلانىستىرۋدى بٸلمەي جٷرگەندەرگە, ماماندىق تاڭداۋدا قاتەلەسۋدەن قورقاتىندارعا, ٸشكٸ دٷنيەسٸن دامىتقىسى كەلگەنٸمەن نەدەن باستارىن بٸلمەي جٷرگەندەرگە ارنالادى», - دەيدٸ ەدٸلەت.
امبيتسيياسى جوعارى ەدٸلەتتٸڭ الداعى جوسپارلارى دا وراسان. ونىسىن جاسىرمايدى دا.
«جوسپارىم ٶتە كٶپ. قازٸر جاڭا بٸلٸم بەرۋ جٷيەسٸ جٶنٸندە جوبا دايىنداپ جاتىرمىن. الداعى ۋاقىتتا بٸلٸم جەنە عىلىم مينيسترلٸگٸندە سەتتٸ قورعايمىن دەپ ويلايمىن. جالپى, قازاقستاندىق مەكتەپتەردٸڭ ەلەۋەتٸ زور. مەن سول ەلەۋەتٸن اشقىم كەلەدٸ», - دەپ سۇحباتتى اياقتادى ەدٸلەت يسابەكوۆ.
