Resei prezidenti Vladimir Pýtin Ýkrainaǵa amerikalyq Tomahawk zymyrandaryn berý máselesine qatysty pikir bildirdi, dep habarlaidy Dalanews.kz.
«Bul – qýatty qarý. Degenmen qazir ol asa zamanaýi emes. Biraq qaýip tóndiredi. Alaida bul soǵys barysyn ózgertpeidi. Ýkraina armiiasynyń basty problemasy – adamdardyń jetispeýi. Qansha dron berseń de, qansha qorǵanys shebi qursań da, eger sarbazdar bolmasa, eshkim soǵyspaidy», – dedi ol 2 qazanda ótken «Valdai» halyqaralyq pikirtalas klýbynda.
Pýtinniń aitýynsha, eger Kiev Tomahawk zymyrandaryn alsa, bul tek áskeri salada ǵana emes, Resei men AQSh arasyndaǵy qarym-qatynasta da jańa shielenis kezeńin bastaidy.
«Bul bizdiń qatynastarymyzǵa ziian keltire me? Árine, ziian keltiredi. Óitkeni Tomahawk-ty amerikalyq áskeri mamandardyń qatysýynsyz qoldaný múmkin emes. Bul múldem jańa eskalatsiia kezeńi bolady», – dedi Resei basshysy.
Sóz sońynda Pýtin: «Tomahawk bizge ziian keltire ala ma? Árine, ala alady. Biraq biz olardy atyp túsiremiz», – dep túiindedi.
Eske salaiyq, buǵan deiin Pýtin Frantsiianyń reseilik tankerdi ustaýyn «qaraqshylyq» dep ataǵan bolatyn.
