رەسەي پرەزيدەنتٸ ۆلاديمير پۋتين ۋكرايناعا امەريكالىق Tomahawk زىمىراندارىن بەرۋ مەسەلەسٸنە قاتىستى پٸكٸر بٸلدٸردٸ, دەپ حابارلايدى Dalanews.kz.
«بۇل – قۋاتتى قارۋ. دەگەنمەن قازٸر ول اسا زاماناۋي ەمەس. بٸراق قاۋٸپ تٶندٸرەدٸ. الايدا بۇل سوعىس بارىسىن ٶزگەرتپەيدٸ. ۋكراينا ارميياسىنىڭ باستى پروبلەماسى – ادامداردىڭ جەتٸسپەۋٸ. قانشا درون بەرسەڭ دە, قانشا قورعانىس شەبٸ قۇرساڭ دا, ەگەر ساربازدار بولماسا, ەشكٸم سوعىسپايدى», – دەدٸ ول 2 قازاندا ٶتكەن «ۆالداي» حالىقارالىق پٸكٸرتالاس كلۋبىندا.
پۋتيننٸڭ ايتۋىنشا, ەگەر كيەۆ Tomahawk زىمىراندارىن السا, بۇل تەك ەسكەري سالادا عانا ەمەس, رەسەي مەن اقش اراسىنداعى قارىم-قاتىناستا دا جاڭا شيەلەنٸس كەزەڭٸن باستايدى.
«بۇل بٸزدٸڭ قاتىناستارىمىزعا زييان كەلتٸرە مە? ەرينە, زييان كەلتٸرەدٸ. ٶيتكەنٸ Tomahawk-تى امەريكالىق ەسكەري مامانداردىڭ قاتىسۋىنسىز قولدانۋ مٷمكٸن ەمەس. بۇل مٷلدەم جاڭا ەسكالاتسييا كەزەڭٸ بولادى», – دەدٸ رەسەي باسشىسى.
سٶز سوڭىندا پۋتين: «Tomahawk بٸزگە زييان كەلتٸرە الا ما? ەرينە, الا الادى. بٸراق بٸز ولاردى اتىپ تٷسٸرەمٸز», – دەپ تٷيٸندەدٸ.
ەسكە سالايىق, بۇعان دەيٸن پۋتين فرانتسييانىڭ رەسەيلٸك تانكەردٸ ۇستاۋىن «قاراقشىلىق» دەپ اتاعان بولاتىن.
