Pýtin telearnalar arqyly jasaǵan úndeýinde «Donbastaǵy jaǵdai men Ýkrainadaǵy ásire ultshyldarǵa baǵyttalǵan arnaiy áskeri operatsiiany kúsheitý maqsatynda jartylai áskeri mobilizatsiia jariialaimyz» dedi. Endi áskeri tájiribeden ótken Resei azamattary qoldaryna qarý alyp, maidan dalasyna attanýy tiis.
Óz kezeginde Pýtin myń shaqyrymǵa sozylatyn maidan shebinde orys áskeri tek qana ásire ultshyldarmen ǵana emes Batys elderiniń áskeri mashinasymen de kúresip jatqanyn aitty. Osylaisha ol Resei áskeri tutas NATO áskermeni betpe bet kelgenin eskertip, áskeri mobilzatsiiany aqtaýǵa tyrysty.
Jariialanǵan mobilizatsiia boiynsha zapastaǵy áskeriler soǵysqa shaqyrylmaqshy.
– Jartylai áskeri mobilizatsiia is-tájiribesi bar zapasta turǵan áskerilerdi qamtidy. Áskerge shaqyrylǵan azamattardyń bári qaitadan qysqa merzimdi áskeri daiyndyqtan ótetin bolady, – dedi Pýtin.
Osy rette jartylai áskeri mobilizatsiia jasaý týrasyndaǵy usynysty Pýtinge Qorǵanys ministrligi men Bas shtabtyń áskerileri usynǵanyn aita ketýimiz kerek.
Pýtin áskerge shaqyrylǵan azamattardyń bárine tiisti tólemder tólenetinin jáne áskeri mobilizatsiianyń jariialanǵan sátten bastap el aýmaǵyndaǵy óndiris oryndarynyń jumysyn soǵys jaǵdaiyna aýysatynyn eskertti.
