Pýtin ákimshiligi qazaq biligine qysym jasap jatyr
Nikonov-sikonovtar oqymaǵandyqtan, saýatsyzdyqtan aita salmaidy. Onyń arǵy jaǵynda Qazaqstandy Reseimen bir Odaqqa qosý siiaqty Pýtinnyń jymysqy saiasaty jatyr, dep paiymdaidy facebook-te jýrnalist Toqtar Jaqash.
2022 jylǵa deiin Pýtin ákimshiligi Belarýs pen Qazaqstandy Reseimen bir Odaqqa qosyp, Pýtinniń reitingin kóterý úshin jumys istep.
Bul qazaq biligine jasalyp jatqan qysym ekeni anyq. Sońǵy ýaqytta Qazaqstan syrtqy jáne ishki saiasat boiynsha sheshimderdi Kremldiń kelisiminsiz qabyldap júr. Bul Kremlge múldem unamaidy. Bizdiń kommýnisterdiń de nikonovtyń pikirin qoshtai jónelýi - Kremldiń tikelei tapsyrmasy. Endigi qadam qandai bolmaq? Pýtinniń aitqanyna bas shulǵyp, bodandyq qamytyn qaita kiemiz be, álde, Reseimen arada belgili sýbordinatsiia ustaimyz ba? Sońǵy sheshimge saiasi basshylarymyzdyń erik-jigeri jete me eken? Bizdiń bilikke "obal" boldy! Halyqqa súienip, Reseimen aradaǵy ala arqandy kesip taǵy kete almaidy. Óitkeni, óz halqyna senbeidi. Reseidiń aitqanyn buljytpai oryndaǵysy da kelmeidi. Endi ne bolar eken? Shahmat taqtasyndaǵy júris endi biz jaqta. Birde-bir figýradan aiyrylýǵa bolmaidy! Qiyn. Bilik úshin qiyn kezeń endi bastaldy. Halqynan alystaǵan úkimettiń kóretin kúni osy!
