نيكونوۆ-سيكونوۆتار وقىماعاندىقتان، ساۋاتسىزدىقتان ايتا سالمايدى. ونىڭ ارعى جاعىندا قازاقستاندى رەسەيمەن ءبىر وداققا قوسۋ سياقتى پۋتيننىڭ جىمىسقى ساياساتى جاتىر، دەپ پايىمدايدى facebook-تە جۋرناليست توقتار جاقاش.
2022 جىلعا دەيىن پۋتين اكىمشىلىگى بەلارۋس پەن قازاقستاندى رەسەيمەن ءبىر وداققا قوسىپ، ءپۋتيننىڭ رەيتينگىن كوتەرۋ ءۇشىن جۇمىس ىستەپ.
بۇل قازاق بيلىگىنە جاسالىپ جاتقان قىسىم ەكەنى انىق. سوڭعى ۋاقىتتا قازاقستان سىرتقى جانە ىشكى ساياسات بويىنشا شەشىمدەردى كرەملدىڭ كەلىسىمىنسىز قابىلداپ ءجۇر. بۇل كرەملگە مۇلدەم ۇنامايدى. ءبىزدىڭ كوممۋنيستەردىڭ دە نيكونوۆتىڭ پىكىرىن قوشتاي جونەلۋى - كرەملدىڭ تىكەلەي تاپسىرماسى. ەندىگى قادام قانداي بولماق؟ ءپۋتيننىڭ ايتقانىنا باس شۇلعىپ، بوداندىق قامىتىن قايتا كيەمىز بە، الدە، رەسەيمەن ارادا بەلگىلى سۋبورديناسيا ۇستايمىز با؟ سوڭعى شەشىمگە ساياسي باسشىلارىمىزدىڭ ەرىك-جىگەرى جەتە مە ەكەن؟ ءبىزدىڭ بيلىككە "وبال" بولدى! حالىققا سۇيەنىپ، رەسەيمەن اراداعى الا ارقاندى كەسىپ تاعى كەتە المايدى. ويتكەنى، ءوز حالقىنا سەنبەيدى. رەسەيدىڭ ايتقانىن بۇلجىتپاي ورىنداعىسى دا كەلمەيدى. ەندى نە بولار ەكەن؟ شاحمات تاقتاسىنداعى ءجۇرىس ەندى ءبىز جاقتا. بىردە-بىر فيگۋرادان ايىرىلۋعا بولمايدى! قيىن. بيلىك ءۇشىن قيىن كەزەڭ ەندى باستالدى. حالقىنان الىستاعان ۇكىمەتتىڭ كورەتىن كۇنى وسى!
