Prezident suhbatyndaǵy jaýaptar kópshilik kóńiline senim uialatty
Prezident «Qańtar oqiǵasyna» qatysty mańyzdy derekterge toqtalyp, Almatyǵa shabýyl jasaǵan qaraqshylar men buzaqylardyń úlken qylmysqa barǵandyǵyn jáne uiymdasqan qylmystyq toptar bilikti basyp almaq oilary bolǵandyǵyn jetkizdi. Búginde, qaiǵyly oqiǵa boiynsha kúrdeli tergeý jumystary júrgizilip jatqandyǵyn, sondai-aq jazyqsyz qamaýǵa alynǵandardy da tergeý anyqtaýda dep aitty.
Sondai-aq, Memleket basshysy Almatydaǵy búlik kezinde elge tartylǵan Ujymdyq qaýipsizdik týraly shart uiymynyń áskerin shaqyrǵany úshin eshkimniń aldynda qaryz bolyp qalmaǵandyǵyn túsindirip aitty. Óitkeni, búginde osy máselege qatysty el arasynda shyndyqqa janaspaityn túrli áńgimeler júr. Prezident bul sheshimdi basqa da qalalardy basyp alýdyń aldyn alý úshin qabyldaǵanyn jetkizdi.
Memleket basshysy Qańtar oǵiǵasy barlyǵymyzǵa sabaq bolǵanyn jetkize kele: «Bul máselege qatysty jan-jaqty zertteitin bolsaq, halyqtyń naryzylyǵynyń astarynda ótkir áleýmettik másele jatyr. Halyqtyń kóbiniń áleýmettik jaǵdaiy tómen. Ony moiyndaýymyz kerek. Ol aqiqat. Memlekettiń tutas bailyǵy az ǵana toptyń qolynda. Teńsizdik beleń alýda. Bul másele týraly men Parlamentte, basqa da jiyndarda aittym. Ókinishtisi, azamattardyń narazylyǵyn qylmyskerler, lańkester paidalanyp ketti» dep aitty.
Sonymen qatar, búgingi elimizde qabyldanyp jatqan barlyq reformalarǵa osy oqiǵa sebepshi bolǵandyǵyn jetkizdi.
Jalpy, Prezidenttiń qoǵamda jii talqylanyp, kópshiliktiń kókeiinde júrgen mańyzdy saýaldarǵa bergen naqty ári tushymdy jaýaptary kópshiliktiń kóńiline senim uialatty dep oilaimyn.
Prezidentimiz suhbatynyń sońynda Otanymyz jalǵyz jáne ony qorǵaý – árbirimizdiń azamattyq boryshymyz dedi. Olai bolsa, elimizdi qorǵaý jáne onyń órkendeýi úshin eńbek etý – barshamyzǵa júktelgen ortaq mindet.
Endeshe, bizge berilgen múmkindikti paidalana otyryp, elimizdiń týelsizdigin tuǵyrly etý jolynda barshamyz aianbai eńbek eteiik, aǵaiyn.
Qairat BALABIEV, Túrkistan oblystyq máslihatynyń hatshysy
