Memleket basshysy HIV qysqy Paralimpiada oiyndarynyń chempiony Erbol Hamitovty marapattady, dep habarlaidy Dalanews.kz.
Aqordada HIV Qysqy Paralimpiada oiyndarynyń chempiony Erbol Hamitov pen onyń bapkerlerin marapattaý rásimi ótti.
Qasym-Jomart Toqaev Italiiada ótken álemdik doda elimiz úshin óte tabysty bolǵanyna toqtaldy. Jahandyq básekede otandasymyz Erbol Hamitov altyn jáne qola medal jeńip aldy.
"Naǵyz chempion atanyp, elimizdiń mereiin ústem etti, kók Týymyzdy biikte jelbiretti. Bul – qazaq parasporty úshin tarihi jetistik. Erbol qazaqtyń qaisar, ór rýhty ári namysty ult ekenin kúlli álemge pash etti. Sondyqtan, eń aldymen, saǵan jáne bapkerlerge shynaiy rizashylyǵymdy bildiremin. Paralimpiada oiyndaryna attanar sátte men elimizdiń kók Týyn saǵan tabystadym. Sol artylǵan senimdi tolyq aqtap, Qazaqstanǵa jeńispen oraldyń. Keremet nátijege jettiń! Sonyń arqasynda elimiz komandalyq esepte 18-shi orynǵa taban tiredi. Úzdikterdiń ishinen alǵa shyǵyp, chempion bolý ońai emes. Bul – jyldar boiǵy tynymsyz daiyndyq pen qajyrly ári tabandy eńbektiń jemisi ekeni anyq", – dedi Prezident.
Memleket basshysy HIV qysqy Paralimpiada oiyndaryndaǵy (Italiia) joǵary sporttyq jetistikteri úshin Erbol Hamitovty III dárejeli "Barys" ordenimen marapattady.
Týrizm jáne sport ministrligine qarasty Dene múmkindikteri shekteýli tulǵalarǵa arnalǵan sporttyq daiarlaý ortalyǵynyń jattyqtyrýshylary Vasilii Kolomiets pen Anton Jdanovichke "Parasat" ordeni, Soltústik Qazaqstan oblysyndaǵy "Úmit" múmkindikteri shekteýli tulǵalarǵa arnalǵan sport klýbynyń jattyqtyrýshysy Aslan Toqbaevqa "Qurmet" ordeni tabystaldy.
