مەملەكەت باسشىسى حٸV قىسقى پاراليمپيادا ويىندارىنىڭ چەمپيونى ەربول حاميتوۆتى ماراپاتتادى, دەپ حابارلايدى Dalanews.kz.
اقوردادا حٸV قىسقى پاراليمپيادا ويىندارىنىڭ چەمپيونى ەربول حاميتوۆ پەن ونىڭ باپكەرلەرٸن ماراپاتتاۋ رەسٸمٸ ٶتتٸ.
قاسىم-جومارت توقاەۆ يتالييادا ٶتكەن ەلەمدٸك دودا ەلٸمٸز ٷشٸن ٶتە تابىستى بولعانىنا توقتالدى. جاھاندىق بەسەكەدە وتانداسىمىز ەربول حاميتوۆ التىن جەنە قولا مەدال جەڭٸپ الدى.
"ناعىز چەمپيون اتانىپ, ەلٸمٸزدٸڭ مەرەيٸن ٷستەم ەتتٸ, كٶك تۋىمىزدى بيٸكتە جەلبٸرەتتٸ. بۇل – قازاق پاراسپورتى ٷشٸن تاريحي جەتٸستٸك. ەربول قازاقتىڭ قايسار, ٶر رۋحتى ەرٸ نامىستى ۇلت ەكەنٸن كٷللٸ ەلەمگە پاش ەتتٸ. سوندىقتان, ەڭ الدىمەن, ساعان جەنە باپكەرلەرگە شىنايى ريزاشىلىعىمدى بٸلدٸرەمٸن. پاراليمپيادا ويىندارىنا اتتانار سەتتە مەن ەلٸمٸزدٸڭ كٶك تۋىن ساعان تابىستادىم. سول ارتىلعان سەنٸمدٸ تولىق اقتاپ, قازاقستانعا جەڭٸسپەن ورالدىڭ. كەرەمەت نەتيجەگە جەتتٸڭ! سونىڭ ارقاسىندا ەلٸمٸز كوماندالىق ەسەپتە 18-شٸ ورىنعا تابان تٸرەدٸ. ٷزدٸكتەردٸڭ ٸشٸنەن العا شىعىپ, چەمپيون بولۋ وڭاي ەمەس. بۇل – جىلدار بويعى تىنىمسىز دايىندىق پەن قاجىرلى ەرٸ تاباندى ەڭبەكتٸڭ جەمٸسٸ ەكەنٸ انىق", – دەدٸ پرەزيدەنت.
مەملەكەت باسشىسى حIV قىسقى پاراليمپيادا ويىندارىنداعى (يتالييا) جوعارى سپورتتىق جەتٸستٸكتەرٸ ٷشٸن ەربول حاميتوۆتى III دەرەجەلٸ "بارىس" وردەنٸمەن ماراپاتتادى.
تۋريزم جەنە سپورت مينيسترلٸگٸنە قاراستى دەنە مٷمكٸندٸكتەرٸ شەكتەۋلٸ تۇلعالارعا ارنالعان سپورتتىق دايارلاۋ ورتالىعىنىڭ جاتتىقتىرۋشىلارى ۆاسيليي كولوميەتس پەن انتون جدانوۆيچكە "پاراسات" وردەنٸ, سولتٷستٸك قازاقستان وبلىسىنداعى "ٷمٸت" مٷمكٸندٸكتەرٸ شەكتەۋلٸ تۇلعالارعا ارنالعان سپورت كلۋبىنىڭ جاتتىقتىرۋشىسى اسلان توقباەۆقا "قۇرمەت" وردەنٸ تابىستالدى.
