Úkimet Memleket basshysy Qasym-Jomart Toqaevtyń ulttyq ekonomika modelin jańǵyrtý jónindegi tapsyrmalaryn júzege asyrý aiasynda makroekonomikalyq turaqtylyqty qamtamasyz etý, biznes ahýaldy jaqsartý jáne investitsiia tartý baǵytynda júieli sharalar qabyldap keledi. Jańa investitsiialyq kezeńdi iske qosýǵa, adal básekelestik ortany qalyptastyrýǵa jáne boljamdy fiskaldyq saiasatty ornyqtyrýǵa erekshe nazar aýdarylyp otyr, dep habarlaidy dalanews.kz.
Búginde ekonomikalyq ósim naqty sektordyń qarqyndy damýy, óndiristi ártaraptandyrý jáne elimizdiń kólik-tranzittik áleýetin nyǵaitý esebinen qamtamasyz etilip keledi. Sonymen qatar, memleket tólemderdi arttyrý boiynsha áleýmettik mindettemelerdi júieli túrde qamtamasyz etip, jergilikti eldi mekenderde sport infraqurylymyn damytyp, uzaq merzimdi kelisimsharttar tetigi arqyly otandyq kásiporyndar ónimderin kepildi ótkizý úshin qolaily jaǵdai jasaidy.
2026 jylǵy 6 aidyń qorytyndysy boiynsha bul jumys turaqty nátije kórsetti. Makroekonomikalyq turaqtylyqtyń basty draiveri negizgi kapitalǵa salynǵan investitsiialar boldy, olardyń kólemi 9,5 trln teńgeden asty. Bul rette jeke investitsiialar kólemi 21,4%-ǵa ósip, jalpy ósimnen joǵary qarqyn kórsetti.
Kórsetkishter jaqsarýyna bizneske ákimshilik qysym tómendeýi, memlekettik satyp alý merzimi úsh ese qysqarýy jáne tsifrlandyrýdy engizý aitarlyqtai yqpal etti. Sonymen qatar, elimizde jańa Salyq jáne Biýdjet kodeksterin júzege asyrý bastaldy. Olar naqty sektor úshin neǵurlym qolaily jaǵdai jasaýǵa jáne memlekettik qarajattyń jumsalýyna baqylaýdy kúsheitýge baǵyttalǵan.
