Túrkistan oblysynyń politsiiasy QR IIM nusqaý hatyna sáikes esirtkige qarsy is-qimylda mańyzdy qadam jasady. Alǵash ret vedomstvo janynan Esirtki quqyq buzýshylyqtarynyń profilaktikasy boiynsha keńes quryldy. Keńes tóraǵasy retinde Politsiia departamenti bastyǵynyń birinshi orynbasary Q.Sahov taǵaiyndaldy, dep habarlaidy Dalanews.kz
Keńes quramynda Túrkistan oblysynda jastarymyz úlgi tutatyn tanymal tulǵalar, óz isiniń kásibi sheberleri, qoǵam qairatkerleri, sportshylar, jýrnalister men memlekettik qyzmetkerler bar. Atap aitsaq, Esirtki quqyq buzýshylyǵynyń profilaktikalyq salasy jónindegi keńes tóraǵasynyń orynbasary laýazymyna máslihat depýtaty S.Arystanov, al múshelikke Ý.Rahiev, E.Tólepov, Á.Halillaev, O.Altaeva, L.Bekeeva, M.Jumahanuly, H.Mohammad, Q.Abenov, E.Tólegenov, Q.Zainishev, A.Ilesken, G.Kipchakbaevalar taǵaiyndaldy.
Politsiia tarapynan bul azamattarǵa arnaiy kýálikter tabystaldy. Iaǵni esirtki qylmysyna qarsy kúres, zań men tártipti saqtaý, sondai-aq salaýatty ómir saltyn nasihattaý baǵytynda politsiia, azamattyq qoǵam jáne tanymal tulǵalar kúshin biriktirdi.
Aita keter bolsaq, Túrkistan oblysynyń politseileri aǵymdaǵy jyldyń 3 aiynda esirtkiniń zańsyz ainalymyna qatysty 113 derekti anyqtady. Zańsyz ainalymnan 140 kelige jýyq esirtki zattaryn tárkiledi. 3 aida 311 túsindirme sharalaryn ótkizip, oǵan 34 myńnan astam turǵyndar qatysty. Sondai-aq 305 aqparattyq sait anyqtalyp, buǵattaldy. 50 esirtki jarnamalaýshy jazbalar óshirildi. Qyzmettik itterdiń kómegimen adamdar kóp shoǵyrlanatyn oryndarda 40 ret reidke shyqty.
Jiyn sońynda keńes músheleri ortaq maqsat jolynda birlesip jumys isteýge daiyn ekendikterin jetkizip, estelikke sýretke tústi.
