تۇركىستان وبلىسىنىڭ پوليسياسى ق ر ءىىم نۇسقاۋ حاتىنا سايكەس ەسىرتكىگە قارسى ءىس-قيمىلدا ماڭىزدى قادام جاسادى. العاش رەت ۆەدومستۆو جانىنان ەسىرتكى قۇقىق بۇزۋشىلىقتارىنىڭ پروفيلاكتيكاسى بويىنشا كەڭەس قۇرىلدى. كەڭەس ءتوراعاسى رەتىندە پوليسيا دەپارتامەنتى باستىعىنىڭ ءبىرىنشى ورىنباسارى ق.ساحوۆ تاعايىندالدى، دەپ حابارلايدى Dalanews.kz
كەڭەس قۇرامىندا تۇركىستان وبلىسىندا جاستارىمىز ۇلگى تۇتاتىن تانىمال تۇلعالار، ءوز ءىسىنىڭ كاسىبي شەبەرلەرى، قوعام قايراتكەرلەرى، سپورتشىلار، جۋرناليستەر مەن مەملەكەتتىك قىزمەتكەرلەر بار. اتاپ ايتساق، ەسىرتكى قۇقىق بۇزۋشىلىعىنىڭ پروفيلاكتيكالىق سالاسى جونىندەگى كەڭەس ءتوراعاسىنىڭ ورىنباسارى لاۋازىمىنا ءماسليحات دەپۋتاتى س.ارىستانوۆ، ال مۇشەلىككە ۋ.راحييەۆ، ە.تولەپوۆ، ءا.حاليللايەۆ، و.التايەۆا، ل.بەكەيەۆا، م.جۇماحان ۇلى، ح.موحامماد، ق.ابەنوۆ، ە.تولەگەنوۆ، ق.زاينيشيەۆ، ا.ىلەسكەن، گ.كيپچاكبايەۆالار تاعايىندالدى.
پوليسيا تاراپىنان بۇل ازاماتتارعا ارنايى كۋالىكتەر تابىستالدى. ياعني ەسىرتكى قىلمىسىنا قارسى كۇرەس، زاڭ مەن ءتارتىپتى ساقتاۋ، سونداي-اق سالاۋاتتى ءومىر سالتىن ناسيحاتتاۋ باعىتىندا پوليسيا، ازاماتتىق قوعام جانە تانىمال تۇلعالار كۇشىن بىرىكتىردى.
ايتا كەتەر بولساق، تۇركىستان وبلىسىنىڭ پوليسەيلەرى اعىمداعى جىلدىڭ 3 ايىندا ەسىرتكىنىڭ زاڭسىز اينالىمىنا قاتىستى 113 دەرەكتى انىقتادى. زاڭسىز اينالىمنان 140 كەلىگە جۋىق ەسىرتكى زاتتارىن تاركىلەدى. 3 ايدا 311 تۇسىندىرمە شارالارىن وتكىزىپ، وعان 34 مىڭنان استام تۇرعىندار قاتىستى. سونداي-اق 305 اقپاراتتىق سايت انىقتالىپ، بۇعاتتالدى. 50 ەسىرتكى جارنامالاۋشى جازبالار ءوشىرىلدى. قىزمەتتىك يتتەردىڭ كومەگىمەن ادامدار كوپ شوعىرلاناتىن ورىنداردا 40 رەت رەيدكە شىقتى.
جيىن سوڭىندا كەڭەس مۇشەلەرى ورتاق ماقسات جولىندا بىرلەسىپ جۇمىس ىستەۋگە دايىن ەكەندىكتەرىن جەتكىزىپ، ەستەلىككە سۋرەتكە ءتۇستى.
