2025 jylǵy 1 maýsymynda bastalǵan Prezidenttik jastar kadr rezervine tórtinshi irikteýge elimizdiń jas mamandary joǵary qyzyǵýshylyq tanytty,- dep habarlaidy Dalanews.kz
Bir aida jobanyń pkrezerv.gov.kz resmi saitynda 31 859 adam tirkelip, onyń ishinde 7 436 kandidat irikteýdiń kelesi kezeńine joldandy.
Kandidattardyń ortasha jasy 31-de, al ortasha eńbek ótili 8,9 jasty qurady. Bul rette kandidattardyń 34,2%-ynda basqarý tájiribesi bar.
Qatysýshylardyń geografiiasy eldiń barlyq aimaqtaryn qamtyǵan. Ótinimderdiń eń kóp sany Astana qalasynan (1840 nemese 24,8%), Túrkistan oblysynan (553 nemese 7,4%), Almaty qalasynan (490 nemese 6,6%), sondai-aq Qyzylorda (420 nemese 5,7%) jáne Jambyl (402 nemese 5,4%) oblystarynan kelip tústi.
Kandidattar memlekettik qyzmet (4147 nemese 55,8%) pen ózge salalardy (3289 nemese 44,2%) qosa alǵanda, kásibi qyzmettiń ártúrli salalarynan quralyp otyr.
Kandidattar arasynda 4 741 adam bakalavriat deńgeiinde joǵary bilimge, 2 550 adam magistrant, 145 adam doktor dárejesine ie.
Sondai-aq kandidattar arasynda 863 sheteldik joǵary oqý oryndarynyń túlekteri, 306 «Bolashaq» baǵdarlamasynyń stipendiattary, 238 Prezident janyndaǵy Memlekettik basqarý akademiiasynyń túlekteri bar.
Irikteýdiń kelesi kezeńine jiberilgen kandidattar 2025 jylǵy 15 shilde saǵat 23:59-ǵa deiingi merzimde «Mátindik aqparatpen jumys isteý qabiletin baǵalaý» testileýge jazylýy qajet. Jazylý múmkindigi ótinimniń qabyldanǵany týraly habarlama alǵan sátten bastap qoljetimdi.
Qatysýshy jobanyń pkrezerv.gov.kz resmi saityndaǵy jeke kabinetinde usynylǵan ýaqyttardyń ishinen testileý ótetin ýaqytyn tańdaýy kerek.
QR Memlekettik qyzmet isteri agenttiginiń
Túrkistan oblysy boiynsha departamenti
