2025 جىلعى 1 ماۋسىمىندا باستالعان پرەزيدەنتتىك جاستار كادر رەزەرۆىنە ءتورتىنشى ىرىكتەۋگە ەلىمىزدىڭ جاس ماماندارى جوعارى قىزىعۋشىلىق تانىتتى،- دەپ حابارلايدى Dalanews.kz
ءبىر ايدا جوبانىڭ pkrezerv.gov.kz رەسمي سايتىندا 31 859 ادام تىركەلىپ، ونىڭ ىشىندە 7 436 كانديدات ىرىكتەۋدىڭ كەلەسى كەزەڭىنە جولداندى.
كانديداتتاردىڭ ورتاشا جاسى 31-دە، ال ورتاشا ەڭبەك ءوتىلى 8،9 جاستى قۇرادى. بۇل رەتتە كانديداتتاردىڭ 34،2%-ىندا باسقارۋ تاجىريبەسى بار.
قاتىسۋشىلاردىڭ گەوگرافياسى ەلدىڭ بارلىق ايماقتارىن قامتىعان. وتىنىمدەردىڭ ەڭ كوپ سانى استانا قالاسىنان (1840 نەمەسە 24،8%)، تۇركىستان وبلىسىنان (553 نەمەسە 7،4%)، الماتى قالاسىنان (490 نەمەسە 6،6%)، سونداي-اق قىزىلوردا (420 نەمەسە 5،7%) جانە جامبىل (402 نەمەسە 5،4%) وبلىستارىنان كەلىپ ءتۇستى.
كانديداتتار مەملەكەتتىك قىزمەت (4147 نەمەسە 55،8%) پەن وزگە سالالاردى (3289 نەمەسە 44،2%) قوسا العاندا، كاسىبي قىزمەتتىڭ ءارتۇرلى سالالارىنان قۇرالىپ وتىر.
كانديداتتار اراسىندا 4 741 ادام باكالاۆريات دەڭگەيىندە جوعارى بىلىمگە، 2 550 ادام ماگيسترانت، 145 ادام دوكتور دارەجەسىنە يە.
سونداي-اق كانديداتتار اراسىندا 863 شەتەلدىك جوعارى وقۋ ورىندارىنىڭ تۇلەكتەرى، 306 «بولاشاق» باعدارلاماسىنىڭ ستيپەندياتتارى، 238 پرەزيدەنت جانىنداعى مەملەكەتتىك باسقارۋ اكادەمياسىنىڭ تۇلەكتەرى بار.
ىرىكتەۋدىڭ كەلەسى كەزەڭىنە جىبەرىلگەن كانديداتتار 2025 جىلعى 15 شىلدە ساعات 23:59-عا دەيىنگى مەرزىمدە «ماتىندىك اقپاراتپەن جۇمىس ىستەۋ قابىلەتىن باعالاۋ» تەستىلەۋگە جازىلۋى قاجەت. جازىلۋ مۇمكىندىگى ءوتىنىمنىڭ قابىلدانعانى تۋرالى حابارلاما العان ساتتەن باستاپ قولجەتىمدى.
قاتىسۋشى جوبانىڭ pkrezerv.gov.kz رەسمي سايتىنداعى جەكە كابينەتىندە ۇسىنىلعان ۋاقىتتاردىڭ ىشىنەن تەستىلەۋ وتەتىن ۋاقىتىن تاڭداۋى كەرەك.
ق ر مەملەكەتتىك قىزمەت ىستەرى اگەنتتىگىنىڭ
تۇركىستان وبلىسى بويىنشا دەپارتامەنتى
