Petropavlda halyqaralyq deńgeidegi jarystardy ótkizýge múmkindik beretin muz arenasy qurylysy júrip jatyr,- dep habarlaidy Dalanews.kz
SQO ákimi Ǵaýez Nurmuhambetov qalany aralaý kezinde Qizatov kóshesinde ornalasqan alańǵa bardy. Bul jerde halyqaralyq standarttarǵa sai 400 metrlik konkimen júgirý joly, eki hokkei korty men kerling alańdary bar kópfýnktsionaldy muz arenasy salynady. Janynda 50 metrlik olimpiadalyq júzý basseini, jekpe-jek pen kórkem gimnastika zaldary, voleibol, basketbol jáne fitnes zaldary bar ámbebap sport arenasy boi kóteredi. Bul nysandarda halyqaralyq deńgeidegi jarystardy ótkizýge múmkindik bolady.
— Óńirde halyqaralyq standarttarǵa sai sport jáne áleýmettik nysandar salý baǵytynda aýqymdy jumystar júrgizilip jatyr. Byltyr paidalanýǵa berilgen ústel tennisi ortalyǵy zamanaýi talaptarǵa tolyq sai keledi. Sonymen qatar, «Qarasai» stadiony ÝEFA standarttaryna sáikes qaita jańǵyrtylǵan, — dedi nysannyń qurylys barysyn kórgen Soltústik Qazaqstan oblysynyń ákimi Ǵaýez Nurmuhambetov.
Sonymen qatar, óńir basshysy Bereke shaǵyn aýdanyndaǵy jańa oqý jylynda esigin ashatyn jańa jaily mekteptiń qurylysyn tekserdi. «Jas Órken» shaǵyn aýdanynda balabaqsha qurylysy qarqyndy júrip jatyr. Sondai-aq, Ǵaýez Nurmuhambetov Jumysshy kentindegi jol ótkeli men Berekedegi Malaia kóshesindegi jol qurylysynyń barysyn baqylady. Barlyq merdigerlerge qoiylǵan basty talap – sapaly ári ýaqytyly aiaqtaý.
Azamattardy qabyldaý kezinde túsken ótinishke sáikes oblys ákimi «Dariia» bazarynyń sanitarlyq jaǵdaiyn tekserdi. Oblys ákimi bazar ielerine satyp alýshylarǵa jaily jaǵdai jasap, sanitarlyq normalardy saqtaý jáne aýmaqty abattandyrý qajet ekenin atap ótti.
