17 aqpanda sabaqtan tys ýaqytta Petropavl qalasyndaǵy jaratylystaný-matematıkalyq baǵyttaǵy Nazarbaev Zıatkerlik mektebiniń 2008 jyly týǵan oqýshysy úshinshi qabattyń terezesinen qulap ketken, dep habarlaıdy Dalanews.kz.
Jasóspirim qalalyq kópbeıindi aýrýhanaǵa jetkizildi. Qazir ol jansaqtaý bóliminde, jaǵdaıy aýyr, biraq turaqty, esin biledi.
Soltústik Qazaqstan oblysynyń densaýlyq saqtaý basqarmasynyń habarlaýynsha, zardap shekken balaǵa birneshe dıagnoz qoıylǵan: ekinshi bel omyrtqasynyń denesiniń úshinshi dárejeli jabyq kompresıalyq synýy, sondaı-aq eki ókshe súıeginiń yǵyssyz jabyq synýy.
Mektep ákimshiligi oqıǵanyń bolǵanyn rastady. Qazir onyń sebepteri men mán-jaıy anyqtalyp jatyr, tekserý júrgizilýde.
