17 اقپاندا ساباقتان تىس ۋاقىتتا پەتروپاۆل قالاسىنداعى جاراتىلىستانۋ-ماتەماتيكالىق باعىتتاعى نازاربايەۆ زياتكەرلىك مەكتەبىءنىڭ 2008 جىلى تۋعان وقۋشىسى ءۇشىنشى قاباتتىڭ تەرەزەسىنەن قۇلاپ كەتكەن، دەپ حابارلايدى Dalanews.kz.
ءجاسوسپىرىم قالالىق كوپبەيىندى اۋرۋحاناعا جەتكىزىلدى. ءقازىر ول جانساقتاۋ بولىمىندە، جاعدايى اۋىر، ءبىراق تۇراقتى، ەسىن بىلەدى.
سولتۇستىك قازاقستان وبلىسىنىڭ دەنساۋلىق ساقتاۋ باسقارماسىنىڭ حابارلاۋىنشا، زارداپ شەككەن بالاعا بىرنەشە دياگنوز قويىلعان: ەكىنشى بەل ومىرتقاسىنىڭ دەنەسىنىڭ ءۇشىنشى دارەجەلى جابىق كومپرەسسيالىق سىنۋى، سونداي-اق ەكى وكشە سۇيەگىنىڭ ىعىسسىز جابىق سىنۋى.
مەكتەپ اكىمشىلىگى وقيعانىڭ بولعانىن راستادى. ءقازىر ونىڭ سەبەپتەرى مەن ءمان-جايى انىقتالىپ جاتىر، تەكسەرۋ جۇرگىزىلۋدە.
