Petropavl turǵyny 19 million teńgesin alaiaqtarǵa aýdaryp jibergen,- dep habarlaidy Dalanews.kz
Jábirlenýshi ózin «investitsiialyq jobaǵa qatysýshy» retinde arnaiy internet-resýrsta tirkegen. Ondaǵy jalǵan «jeke kabinetinde» kún saiyn tabysy dollarmen ósip jatqanyn kórip, senimi arta túsedi. Politseilerdiń aitýynsha, bul sandar – alaiaqtardyń adamdardy arbaý úshin qoldan jasaityn illiýziiasy ǵana.
Kóp uzamai Petropavl turǵyny iri kólemdegi qarajat aýdarýǵa bel býyp, nesie rásimdep, tanystarynan qaryz alady. Barlyǵy 19 million teńge kóleminde aqsha aýdarǵan. Alaida aqshasyn sheship alýǵa tyrysqan kezde alaiaqtar bailanysqa shyqpai qoiǵan.
IIM habarlaýynsha, sońǵy bes ai ishinde Soltústik Qazaqstan oblysynda osyndai shema boiynsha 27 adam kiberqylmystyń qurbany bolǵan. Internet pen áleýmettik jelilerdegi «jeńil tabys» týraly jarnamalarǵa senip, qarjysyn joǵaltqan azamattar sany kóbeiip keledi.
Quqyq qorǵaý organdary azamattardy kúmándi investitsiialyq jobalardan saq bolýǵa, beitanys adamdarǵa aqsha aýdarmaýǵa jáne «tez baiý» ýádelerine senbeýge shaqyrady.
«Aqshany kóbeitý», «tez baiyp ketý», «senimdi investitsiia» degen sózdermen usynylatyn kúmándi shemalardan barynsha aýlaq bolyńyz. Qarjylyq sheshim qabyldar aldynda tekserilgen derekkózderge ǵana senińiz», – delingen politseilerdiń úndeýinde.
