پەتروپاۆل تۇرعىنى 19 ميلليون تەڭگەسىن الاياقتارعا اۋدارىپ جىبەرگەن،- دەپ حابارلايدى Dalanews.kz

جابىرلەنۋشى ءوزىن «ينۆەستيسيالىق جوباعا قاتىسۋشى» رەتىندە ارنايى ينتەرنەت-رەسۋرستا تىركەگەن. ونداعى جالعان «جەكە كابينەتىندە» كۇن سايىن تابىسى دوللارمەن ءوسىپ جاتقانىن كورىپ، سەنىمى ارتا تۇسەدى. پوليسەيلەردىڭ ايتۋىنشا، بۇل ساندار – الاياقتاردىڭ ادامداردى ارباۋ ءۇشىن قولدان جاسايتىن يلليۋزياسى عانا.

كوپ ۇزاماي پەتروپاۆل تۇرعىنى ءىرى كولەمدەگى قاراجات اۋدارۋعا بەل بۋىپ، نەسيە راسىمدەپ، تانىستارىنان قارىز الادى. بارلىعى 19 ميلليون تەڭگە كولەمىندە اقشا اۋدارعان. الايدا اقشاسىن شەشىپ الۋعا تىرىسقان كەزدە الاياقتار بايلانىسقا شىقپاي قويعان.

ءىىم حابارلاۋىنشا، سوڭعى بەس اي ىشىندە سولتۇستىك قازاقستان وبلىسىندا وسىنداي سحەما بويىنشا 27 ادام كيبەرقىلمىستىڭ قۇربانى بولعان. ينتەرنەت پەن الەۋمەتتىك جەلىلەردەگى «جەڭىل تابىس» تۋرالى جارنامالارعا سەنىپ، قارجىسىن جوعالتقان ازاماتتار سانى كوبەيىپ كەلەدى.

قۇقىق قورعاۋ ورگاندارى ازاماتتاردى كۇماندى ينۆەستيسيالىق جوبالاردان ساق بولۋعا، بەيتانىس ادامدارعا اقشا اۋدارماۋعا جانە «تەز بايۋ» ۋادەلەرىنە سەنبەۋگە شاقىرادى.

«اقشانى كوبەيتۋ»، «تەز بايىپ كەتۋ»، «سەنىمدى ينۆەستيسيا» دەگەن سوزدەرمەن ۇسىنىلاتىن كۇماندى سحەمالاردان بارىنشا اۋلاق بولىڭىز. قارجىلىق شەشىم قابىلدار الدىندا تەكسەرىلگەن دەرەككوزدەرگە عانا سەنىڭىز»، – دەلىنگەن پوليسەيلەردىڭ ۇندەۋىندە.