Saiasatker Dos Kóshim jýyrda ustalǵan Perizat Qairattyń isine qatysty pikir bildirdi, - dep habarlaidy Dalanews.kz.
Qoǵam qairatkeriniń sózinshe, qaiyrymdylyq qorlarynyń jumysyna baǵa berý óte qiyn.
"Respýblikalyq uiymdardy basqardym. Sol ýaqytta Amerikadan, halyqaralyq uiymdardan aqsha tabatynmyn. Ol aqshany ózim ustamaimyn. Sebebi sol uiymnyń basshysymyn, atqarýshy direktor bar, atqarýshy direktor aqsha ustaidy. Men teledidarǵa shyǵyp sóz sóileimin, shetelge baramyn. Sondyqtan Perizat Qairat shyndyǵynda da sol uiymnyń basshysy bolsa, aqshany múldem qolyna ustamaýy kerek. Qansha aqsha túskenin atqarýshy direktor aitady. Jalǵyz ózi sheshpeidi. Uiymdyq deńgeide birlese otyryp sheshedi", - deidi Dos Kóshim STAN KZ-ke bergen suhbatynda.
Saiasatker kez kelgen uiymda tekserý komissiiasy bolýy kerek ekenin, bul komissiia jyl saiyn tekseris júrgizip otyrýy qajet ekenin jetkizdi.
"Ekinshi másele, kez kelgen uiymda tekserý komissiiasy bolady. Kóbine úsh adamnan bolady. Tekserý komissiiasy jyldyń aiaǵynda mindetti túrde tekseredi. Erteń 1,5 mlrd aqsha joǵaldy dese, Perizatty emes, tekserý komissiiasynyń adamdaryn qosa "ne kózderin jumyp otyrdy, ne bolmasa birge jedi" dep sottaý kerek", - dedi ol STAN KZ-ke bergen suhbatynda.
Sondai-aq, Dos Kóshim mundai uiymdar jyl saiyn aýdit júrgizýi qajet degen pikirde.
"Kez kelgen qoǵamdyq uiymdyq bolsyn, kez kelgen firma bolsyn ár ýaqytta aýdit jasaidy. Men respýblikalyq uiymdy basqarǵan ýaqytta jyl saiyn shamasy 3000 dollardai aqsha berip, býhgalter jaldap, aýdit jasaitynmyn. Óitkeni basqa jaqtan kelgen býhgalteriia bizdiń býhgalteriiany tekseredi. Sebebi men basqaratyn uiymdardyń bári memleketke jaqpaidy ǵoi. Sondyqtan artymnan túsip, "memleketke osynsha salyq tólegen joqsyńdar" degen nárseni shyǵarady da, bizdiń uiymdy jabady. Sol uiymdy jappas úshin ár ýaqytta tekserip otyrýym kerek", - dedi saiasatker STAN KZ-ke bergen suhbatynda.
Perizat Qairattyń isi boiynsha oqiǵa hronologiiasy
QMA eriktiler qozǵalysynyń belsendisi jáne qoǵamdyq qaiyrymdylyq qorynyń quryltaishysy Perizat Qairatqa qatysty tergeý júrgizip jatyr.
"Ol kóktemgi sý tasqynynan zardap shekken azamattarǵa kómektesý úshin jinalǵan 1,5 mlrd teńgeden astam qarajatty jymqyrdy degen kúdikke ilind", — dep habarlady Qarjy monitoringi agenttigi buǵan deiin.
Málimetke súiensek, qaiyrymdylyqtyń negizgi bóligi qymbat sán buiymdary men jyljymaityn múlikti satyp alý maqsatyna jumsalǵan.
«Biyl kóktemde ol elordadaǵy avtosalondarda 88 mln teńgege «Mercedes-Benz S450», 80 mln teńgege «Lexus LX-600» jáne 39 mln teńgege «Haval» avtokólikterin satyp aldy. Osy kezeńde ol jalpy somasy 600 mln teńgeni quraityn elordanyń premiým sanattaǵy «Akbulak Riviera», «Highvill Ishim Gold», «Kók Jailaý» TK (turaq oryndaryn qosa alǵanda), sondai-aq «Vela Village» kottedj qalashyǵynda jyljymaityn múlik nysandaryn satyp aldy.
Sonymen qatar, qazaqstandyqtardyń qaiyrymdylyqqa jibergen qarajat esebinen Perizat Q. Dýbai, Doha, London jáne Stambýldaǵy «St. Regis», «Shangri-La», «Palazzo Versace» jáne «Kempinski» siiaqty bes juldyzdy qonaq úilerde demalǵan. Bul elderde ol «Cartier» jáne «Louis Vuitton» siiaqty brendterdiń qymbat aksessýarlary men zergerlik buiymdardy satyp alyp, feshenebeldi meiramhanalarǵa baryp, iahtalardy jaldaǵan. Qylmystyq shemany júzege asyrý úshin dostary men týystaryna 8% syiaqy berip, qordyń aqshasy qolma-qol aqshaǵa ainaldyryp otyrǵan.
Osylaisha, Perizat Q. óziniń zańsyz áreketterimen eriktiler qozǵalysynyń bedeline nuqsan keltirip, onyń ashyqtyq pen adaldyq printsipterine kúmán keltirdi jáne halyqtyń senip tapsyrǵan qarajatyn talan-tarajǵa salǵan», - dep jazylǵan agenttik málimetinde.
Artynsha QMA onyń zańsyz áreketiniń taǵy bir epizody anyqtalǵanyn habarlady.
"2023 jyldyń qarasha aiynda Perizat Qairat Palestina turǵyndaryna gýmanitarlyq kómek kórsetý úshin qarajat jinaýdy uiymdastyrdy. 2023 jylǵy jeltoqsanda osy aqsha esebinen Perizat Q. «Sensata Plaza» elitalyq kesheninen 49 mln teńgege úsh bólmeli páter jáne 30 mln teńgege «Mercedes-Benz EQE 500 4 Matic» jańa avtokóligin satyp aldy. Sonymen qatar, qarajattyń bir bóligi BAÁ—de «Rolex», «Prada» jáne «Fendi» brendtik býtikterinen zergerlik buiymdardy, saǵattar men kiimderdi satyp alýǵa jumsaldy", - dep jazylǵan habarlamada
