Perizat Qairattan tárkilengen kólikter quqyq qorǵaý organdarynyń qaramaǵyna berilgen. Memlekettik múlik jáne jekeshelendirý komitetiniń tóraǵasy Nurmahan Ádilbekovtiń aitýynsha, mundai múlik aýktsionda satylmaǵan jaǵdaida ǵana memlekettik organdarǵa óteýsiz beriledi, dep habarlaidy dalanews.kz.
Onyń sózinshe, bul tetik biýdjet qarajatyn únemdeý úshin qoldanylady. Iaǵni memlekettik organdar jańa kólik satyp alýdyń ornyna tárkilengen múlikti paidalana alady.
"Quqyq qorǵaý jáne memlekettik organdardyń mundai quqyqty paidalanýyna zań boiynsha ruqsat berilgen", - dedi Nurmahan Ádilbekov.
Aita keteiik, buǵan deiin Perizat Qairattan tárkilengen Mercedes-Benz S 450 kóligi memleket menshigine ótkeni habarlanǵan bolatyn. 2024 jyly shyǵarylǵan qara tústi kóliktiń memlekettik nómiri - 777KPK01.
Qujattarǵa sáikes kóliktiń akkýmýliatory otyryp qalǵandyqtan, onyń tehnikalyq jaǵdaiyn tolyq tekserý múmkin bolmaǵan.
