«Órleý» BAUO» AQ Basqarmasynyń jańadan taǵaıyndalǵan tóraıymy Ásel Muhametjanova 9-naýryz kúni «Ustazdar úıine» kelip, Bilim basqarmasynyń qoldaýymen 2017 jyly qol jetkizgen ǵımaratty joǵary deńgeıde jabdyqtalǵanyn aıtty. Basqarma basshysy «Ustazdar úıindegi» robototehnıka kabınetterin, beıne jáne dybys jazý stýdıasy men Aqparattyq komýnıkasıa ortalyǵynyń jáne Qazaqstan Respýblıkasyndaǵy muǵalimderdiń biliktiligin arttyrý júıesiniń tarıhy týraly qundy derekterdi toptastyrǵan zamanaýı úlgidegi murajaıdyń jumysymen tanysty.

Budan basqa ınstıtýttyń sońǵy úsh jyldaǵy atqarǵan jumysynyń esebi tyńdaldy. Halyqaralyq qarym-qatynas jumysynyń negizgi baǵyttary men atqarylǵan qyzmet nátıjeleri týraly ınstıtýttyń aǵa oqytýshysy L.B. Petrova jan-jaqty baıandady.

Bastaýysh synypta bilim berý kvestterin engizý boıynsha  eksperımenttik alańdardyń jetekshisi, Instıtýttyń aǵa oqytýshysy V.Iý.Kaıdakova tájirıbe barysyndaǵy jetistikterimen bólisti.

Sonymen qatar, Basqarma tóraǵasy Ásel Zeınýlqyzy kezdesý barysynda fýnksıonaldyq saýattylyqty damytý, mazmuny jańartylǵan bilim berý baǵdarlamasyn júzege asyrý aıasyndaǵy san túrli saýaldar talqylanyp, pedagogterdiń biliktiligin arttyrý júıesiniń jumys sapasyn joǵary satyǵa kóterýdi kózdeıtin tyń usynystar qarastyryldy. Nátıjege baǵyttalǵan eńbegimiz jemisti bolsyn!